Popular Bible Verses from EFESANYU 2

Share

Tsüntimvule ngun hile a-tho dan me le, thakegwa thyülo tseo Khrista Jisu genyu nko kelo gwünzin. Sunggigü le nno tha tsüdan tsü thyü hülo tse kethyü genyu nchwennyu ndo sen hü laso.

Lo hagun hile ketenyen genyu shwikenjün ka kenikelo gwünzin; lo tsüle hagun kegwa hagun kekvu genyue kemvu. Sunggigü le hagun shwikenjün genyu le, hagun tho kegwa genyue mvu, kechamvule hagun nme-e no ketekho nyü kemvu genyu.

Ai Sunggigü le a-nyu bwen sao a-le nsori kethyü genyu nsoni kehü gwünzin le. Tsügenyu nle nduka tejvü gü gwünzü sen-o si tinla-e a-le nthyü nrhün pe Khrista sinlo laso. A-le hagun shwikenjün genyu hagun kenilo laso.

Tson ketsin thyü le. A-le ngun kesun pe Khrista sinlo-o, Khrista genyu nno a-zen-o tsangge bin kelo thyülo laso.

Tsügenyu hagun le ntsoka we tesin rünyi kechanyu mvuso, ai kenshün nyu ju lo Sunggigü kaminyu ju zen-o kami nme nyenyu thyülo so. Hagun le tsoka hontse apostel nyu lo sidyü keshanyu le binzen pe bin kenjü gü ge ka thyülo so. Khrista Jisu le a-npvü ka tsügü nyu a-quen tsingü nyu keda tsingü.