Popular Bible Verses from 1 TIMOTHI 1

Share

Khrista Jisu le kemunyu dan kenilo titseo kazü nyu tsüryü le, tsekethyü jo higü hile ketsin le, lo temi lihigüe lopen lo tenyen lozü le. Lo kemunyu tsüdan dan nyu ale kemu tsin gü le.

Ai a-le ashwinjün kela le kechamvule siki a-tenyenlo-o kethonthen kerhün hyulo nrün dan no Khrista Jisu le akemu tsin gü ge a-nyun thonsa kethyü pe me hishü nrün genyu ashwi njün chon shüle.

Ai n tenyen shü kela kon gü le nnyun nshünlo nkerüchün nzhülo kerokon mvuo tenyen kethyü genyu keso no binlo nrün genyu.

Lo kethonthen raja, sila lo keho, lo n yhütyü pe hyulo keho a-nyeki kecha kendi Sunggigü no kethonthen teshwen lo zankechwi gü thyülo! Amen.

Higü hi shalo mvulo shvu, tejvü gü le temi kegwanyu genyu thyü shü mvu, ai tejvü gwünrho kehünyu, me jo zen kemvunyu, Sunggigü sha hü kemvunyu, nshün kemvunyu lo serikemvunyu, a-pvü a-jvünyu dushvu kehünyu. Keyüla nyu, pechenyu le pechenyu zen-o kejo kemvu tho thyü kehünyu, temi rühulo la kehünyu, kenku nyu, nkuo swe kehünyu, lo thakecha lihi-e senkethyü jo kenjü gü seri kebin dan genyu thyü shü le.