Popular Bible Verses from ROMETE 6

Share

Khelhna man sihna ahi ngal a, Pathian thilthawnpiak bel i Toupa Khrist Jesu ziak in tangtawn a hinna ahi.

Noute dan thunuai a om hilou a, hehpihna nuai a om na hih ziak un khelhna in na tung uah thu anei nawn kei ding hi.

Huaiziak in asihna a baptis lut a om in amah toh vuikhawm in i om uhi, huchi a Pa thupina in misi lak a kipan a Khrist akaihthoh tak bang a eite leng hinna thak a i khosak theihna ding in.

Na pumpi hiangte uh leng diktatlouhna vanzat ding in khelhna kiang ah pe phal sam kei un; himahleh misi lak a kipan hing nawn bang in Pathian kiang ah kipia unla, na pumpi hiangte uh leng diktatna vanzat ding in Pathian kiang ah pe phal zaw un.

I mihing lui akiang ah kilhden in a-om samta chih i thei; huchi a khelhna pumpi hihmanthat a a-omtheihna ding leh tua kipan a khelhna sikha a i omlouhna ding in.

Huchi mah bang in, nou leng khelhna lam thu ah sisa in kisep unla, Pathian lam thu ah bel Khrist Jesu ah hing in kisep un.

Bang i genta dia le? Hehpihna akhansem theihna ding in khelhna ah i om nilouh ding ua hia? Om nilouh lou hial ding! Eite khelhna lam a sisa, khelhna ah bangchi in i hing thei lailai dia?

Kua kiang peuh ah leng athu mang ding a asikha dia na kipiak un sihna khop a khelhna sikha hiam, diktatna khop a thumang sikha hiam, athu na man uh sikha na hi uh chih na thei kei ua hia?

Himahleh Pathian kiang ah kipahthu om hen; noute khelhna sikha na hita mah le uchin, thuginpi a na kipiakna uh na lungtang taktak un na zuita uhi. Khelhna lak a kipan suahtaksak in na omta ua, diktatna sikhate na hong hita uhi.