Popular Bible Verses from ROMETE 12

Share

Hiai khovel dan bang in om kei unla; Pathian deihlam a hoih leh lungtuahhuaitak leh hoih bukim na theihtel theihna ding un, na lungsim uh athak a om in hong kikheng lamdang zawta un.

Huchi in unaute aw, Pathian zahngaihna ziak in, kithoihna hing, siangthou leh Pathian lung tuak ding in na pumpi uh lan ding in ka hon ngen ahi; huai na biakna dan ding him uh ahi.

Lametna ah kipak unla; gimthuakna ah kuhkal un; thumna ah thum teitei un

Gitlouh zoh in om ke'nla, hoihna in gilou zou zaw in.

Unaute itna lam ah ittak in kilainattuah chiat un; pahtawi lam ah, kideihsaktuah chiat un.

Itna ahihleh lepchiahna tel lou in hi hen. Gilou hua unla, ahoih lam len tinten un.

Ahihtheih liaileh noumau lam bek, mi tengteng toh kituak in om un.

Deihtakte aw, phu kila kei un, Pathian hehna awn zaw un, “Phulak himhim keimah lak ding ahi, ke'n ka thuk na ding, Toupa'n achi,” chih gelh ahi.

Thanop lam ah, thadah kei un; Kha a vakna toh phatuamngai in Toupa nna sem un.

Na lak uah kuamah na kiletsak ding hun val ua kiliansak lou in, Pathian in michih kiang a ginna hun apiak bang zel a diktak a ngaihtuah zaw ding in Pathian in ahon piak hehpihna ziak in ka hon chi chiat ahi.

Kua gitlouh leng gilou in thuk kei un. Mi tengteng muh in thil kilawm ngaihtuah un.

Ngaihtuah kibang in om chiat un, kingaihtuah sang lo kei unla, mi neuneu kithuahpih zaw un. Kipilsak kei un.

Huaiziak in “Na melma agil akialleh nek ding pia inla; adang atakleh dawn ding pia in; huchibang a na hihleh alutung ah mei-am sekkhawm na hi ding hi.”

Hon sawite vualzawl un, vualzawl unla, hamsiat kei un. Kipakte kipahpih unla, kapte kahpih un.

Misiangthoute taksapna ah taksap awng hu unla; mikhualte kipahpih in om nilouh un.

Pumpi khat ah hiang tampi i nei ua, hiang tengteng nasep bel akibang kei hi, huchi mah bang in, eite tampi himah lehang Khrist ah pumpi khat i hi ua; atuamtuam in i kihiangtuah chiat uhi.