Popular Bible Verses from ROMETE 10

Share

Na kam a Jesu, Toupa ahi chih na gup a, misi lak a kipan Pathian in akaithou chih na lungtang a na gintakleh hotdam in na om ding, chih.

Mi'n lungtang in agingta ua, diktatna amu uh; kam in agum ua, hotdamna leng amu nak uh ahi.

Huchi in ginna tuh zakna ziak in ahong om a, zakna tuh Khrist thu kigen ziak in ahong om hi.

Laisiangthou in, “Kuapeuh amah gingta azahlak kei ding,” achi hi. Juda leh Grik mite bangmah ah alamdang tuan kei ua, Toupa khat avek ua tung ah Toupa ahi a, amin lou peuhmahte tung ah hoihna ahau ngal a. “Kuapeuh Toupa min lou tuh hotdam in a-om ding,” chih ahi.

Sawl ahih kei uleh bangchi in thu ahilh ding ua? “Thil hoih tanchin kipahhuai tunte khe kilawm hi na tel e!” chih gelh bang in.

Ahihleh, agintak louhpi uh bangchi in alou ding ua? Athu azak louhpi uh bangchi in agingta ding ua? Thuhilhmi om lou in bangchi in aza ding ua?

Khrist bel agingta peuhmahte a ding in diktatna amuhtheihna ding un dan tawpna ahi.