Popular Bible Verses from KILAKNA 9

Share

‍Huan midang huai gawtna a siloute akhut ua sepkhiakte ah akisik tuan kei ua; dawite, dangka-engte, milimte, dangka milimte, suang milimte leh sing milimte; mu theiloute, za thei lou leh tang theiloute be nawn lou ding in akisik tuan kei uhi. ‍Huan atualthahna uh, ami bumna uh leh akingaihna khelhna uh leh aguktakna uh akisik tuan kei uhi.

‍Huan meikhu a kipan in leitung ah khaupete ahong suak ua; aikamte'n thilhihtheihna aneih bang un amau thilhihtheihna piak in a-om uhi. Amau leitung a loupate, thil hing himhimte leh sing peuhmahte, hihse lou a, mi kuapeuh atal ua Pathian chiamtehna neiloute kia hihse dia hilh in a-om uhi.

Angel ngana in amut a, van a kipan leitung a aksi kia ka mu a; amah kiang ah kokhuk taw nei lou honna chabi piak in a-om hi.

Amau that lou ding a, kha nga sung amau hihgenthei zaw ding a hilh in a-om ua; huai a hihgentheihna tuh aikam in mi kuahiam ateh a ahihgentheih bang ahi.

Amaute'n kokhuk taw nei lou neitu angel atung ua kumpipa in anei uhi; ama min Hebru pau in Abaddon ahi a, Grik pau in Appolion ahi.