Popular Bible Verses from KILAKNA 3

Share

‍Ngai in kongkhak a dingh in ka kiu hi; mi kuapeuh in ka aw azak a kong ahonleh akiang ah ka lut dia amah toh nitak an ka ne dia, ama'n leng kei toh ane ding hi.

‍“Na thilhihte ka thei, lum lah lum lou, vot lah vot lou in na om a; na lumleh lum inla na votleh vot vanglak in! ‍Lum lah lum lou, vot lah vot lou a na om pelhpulh ziak in, ka kam a kipan in ka hon sekhe ding hi.

‍Ka itte ka thuhilh in ka sawi a; huaiziak in phatuamngai inla, kisik in.

‍“Na thilhihte ka thei, ngai in, na ma ah kuamah khak theih louh kong honsa ka koih hi; thilhihtheihna neuchik na nei a, ka thu na kem a, ka min na pai kei hi.

Avualzoupa ka laltutphah tung ah ka kiang ah ka tusak ding, kei leng ka vualzou a, laltutphah tung a ka Pa toh ka tut bang in.

‍Migenthei nuamsa lou, zawng, mitdel leh vuaktang na hih lam kithei lou a, ‘ka hausa, hauhsaknate ka neita, bangmah ka kitasam kei,’ na chih ziak in.

‍Ka dohzohna thu na kep ziak in, ze-et a na om chiang in ke'n leng ka hon kem ding, huai hun khovel pumpi tung a hong tung ding ahi; leitung a om tengteng leng ze-et ding in.

‍Ka hong pai pah ding. Kuamah in na lallukhu alaklouhna ding in, na neih pen kem kinken in.

‍Kiveng in, thil omsunte, si dia kisate, tungding nawn in; ka Pathian ma ah na thilhih zohsa set theih ka mu kei hi.