Popular Bible Verses from MATTHAI 28

Share

Huaiziak in kuan unla, nam chih a pan nungzuite bawl unla, Pa toh, Tapa toh, Kha Siangthou toh min in baptis unla, thu ka hon piak tengteng zui ding in thuhilh un. Ngai un, kei tangtawn in, khovel tawp pha in leng, na kiang uah ka om gige hi,” achi hi.

Huchi in akiang uah Jesu ahong pai a, amau ahoupih a, “Lei leh van a thuneihna tengteng ka kiang a piak ahita.

Angel in numeite ahoupih a, akiang uah, “Nou zaw lau kei un; akilhden uh Jesu zong na hi uh chih ka thei; hiai ah a-omta kei; agen bang ngei in athounawnta, alupna mun en un, achi hi.

Jesu'n akiang uah, “Lau kei unla, paita un, Galili gam a pai ding in ka unaute va hilh un; huai ah na hon mu ding uh, achi,” chi in.

Upate toh akikhawm ua, akihou zoh un, sepaihte kiang ah dangka tampi apia ua, “Zan a ka ihmut kal un, anungzuite hong pai in, amah aguta uh, chi unla, gam-ukpa'n huai ana zakleh amah leng i khem ding ua lunghimoh lou ding in i bawl na ke,” achi uhi. Huchi in dangka ala ua, ahilh bang un ahihta ua; huchi in tutan in huai thu Judate lak ah agenthang lai uhi.