Popular Bible Verses from JAKOB 3

Share

Tunglam a kipan pilna bel, atung in asiangthou phot a, huai khit in kituah a-ut a, anunnem a, achihnuam a, zahngaihna leh gah hoih in adim a, khentuam anei kei a, alepchiah kei hi.

Na lak uah kua apil in, thu atheithei a? Thunuailut leh piltak in athilhihte omdan hoih in ensak hen.

Huan diktatna gah zaw lemna bawlmi in lemna a atuh ahi.

Hazatna leh kidemna omna ah buaina leh thilhihkhelhna chiteng a-om hi.

Huai lei in Pa Pathian i phat ua; huai mah in Pathian bang a bawl mihingte i hamsiat uhi. Kam khat a kipan in phatna leh hamsia apawt nak hi. Ka unaute aw, huchibang ding hilou ahi.

Huan lei tuh meikuang ahi, pumpi hiangte lak a gitlouhna lumpi, pumpi avek a ninsak a, mihing kisuansawndan pianphungpi kangsak ahi; huai lei mah in gawtmun mei toh apeh hi.

Himahleh lei zaw kuamah in akhoizual thei kei uhi; sihna gu a dim gilou om kinken thei lou ahi.

Ka unaute aw, na lak uah mi tampi heutu in hong om kei un, heutu in vaihawmna thupi sem atuak ding chih i thei uhi.