Popular Bible Verses from JAKOB 1

Share

Ka unaute aw, na ginna uh ze-etna in kuhkalna asiam chih thei in, khemna chiteng na tuah chiang un kipahna ngen in sim un. Na ginna ze-etna un kuhkalna asiam chih thei in.

Na lak ua kuapeuh in pilna ataksapleh mi tengteng kiang a itlou leh tai lou a pepa Pathian kiang ah ngen hen, huchi in akiang ah piak ahi ding hi.

Unau deihtakte aw, huaite na thei uhi, himahleh michih ngaihkhiak kilawp henla, thugen kituhpih kei henla, heh hak hen.

Bangmah tasam lou a na kim ua, na vek ua na bit theihna ding un, kuhkalna in semkim hen.

Himahleh noumau kikhem in ngaikhete leltak hilou in thuzuite hi zaw un.

Khemna thuak teitei mi ahampha hi; ze-et a a-om nung in Hinna Lallukhu, Toupa'n amah itte kiang a achiam amuh ding ziak in.

Thilpiak hoih leh thilpiak buching tunglam a kipan a vakte Pa kiang a kipan a hong suk ahi a, amah ah lamdanna leh kikhekna lim a-om kei hi.

Kuapeuh thu ngaikhia a zui tuan lou zaw limlang a apianpih maitang hoihtak a ki-en bang ahi. Hoihtak in aki-en a, apaimang zoh in mi bangchi ahia ahih akimangngilh nawn pah hi.

I Pathian leh Pa mitmuh a sabiak siangthou leh gilou pang lou zaw, tagah leh meithaite agimthuak lai ua veh leh khovel buahna bang lou a kibawl zel ahi.

Kuamah in khemna atuah lai in Pathian khem ka hi, chi kei hen. Pathian gitlouhna toh khemvual ahi kei, ama'n leng kuamah akhem ngal kei a. Michih amau utna a hip leh pimang a a-om chiang un khemna atuak uh ahi zaw hi.

Unau daikil kal a om dopsang a a-om ziak in kipak hen