Popular Bible Verses from EKSODAS 7

Share

Huan TOUPA'N Mosi kiang ah, “En in, Pharaoh a ding in Pathian in ka hon bawlta. Huchi in na sanggampa Aaron na zawlnei ahi ding,” achi hi.

“Huan Pharaoh lungtang ka khauhsak dia, Aigupta gam ah ka chiamtehnate leh ka thillamdangte ka pungsak ding hi. Himahleh, Aigupta tung a ka khut ka ngaktheihna ding leh ka sepaihte leh ka mi Israel suante, vaihawmna thupite a Aigupta gam a pan ka pikhiak theihna ding in, Pharaoh in nang ahon ngaikhe kei ding hi.

Aigupta tung a ka khut ka lik a, alak ua pan Israel suante ka pikhiak hun chiang in, Aiguptate'n kei, TOUPA ka hi chih athei ding uh,” achi hi.

Pharaoh in leng mipilte leh bumsiamte asam a; Aigupta mitkhialdawi tawite'n amitkhialdawi un huchibang mah in ahih sam uhi. Michih in leng amau chiangkhun chiat akhia ua, gul ahong suak uhi. Himahleh Aaron chiangkhun in amau chiangkhunte avalhta hi.

Hichibang in TOUPA'N achi, “Hiai ah TOUPA ka hi chih na thei ding. Ngai in, ka khut a chiangkhun in lui a om tuite ka sat dia, sisan ahong suak ding uhi.

“Pharoah in na kiang ua, ‘Nou a ding in thillamdang suah un,’ achih chiang in Aaron kiang ah, ‘Na chiangkhun la inla, Pharaoh ma ah khia in, gul hong suak hen,’ na chi ding,” achi hi. Huchi in Pharaoh kiang ah Mosi leh Aaron alut ua, TOUPA'N thu apiak bang in ahihta uhi. Pharaoh leh asikhate ma ah Aaron in achiangkhun akhia a, gul ahong suak hi.