Popular Bible Verses from NASEPTE 1

Share

Himahleh, Kha Siangthou na tung ua ahong tun chiang in thilhihtheihna na nei ding uh; huchi in Jerusalem ah, leh Judia gamsung pumpi ah, leh Samaria leh kawlmong pha in ka theihpihte na hi ding uh,” achi hi.

Ama'n akiang uah, “Pa in ahun leh ani amah thuthu a om dia aseh, nou theih ding ahi kei hi.

Huan a-omkhawm uh akithuahpih a, “Jerusalem khua paisan kei un, Pa thilchiam ka gen na zak uh ngak un, achi tinten hi. Johan in tui in abaptis zel a, himahleh, ni sawt lou nung in Kha Siangthou a baptis in na om ding uh,” achi hi.

Huai sawltakte kiang ah gimna athuak nung in theihna zuau lou tampi in ahing in akimusak a, ni sawmli hial akiang uah akilak a, Pathian lalgam thu agen hi.

Huai thu agen khit in amuh laipi un, van a pitouh in a-omta a, meipi in amuh phak louh uah apitouta hi.

Huan apaitouh lai a van lam a-et nilouh lai un, ngai in, mi nih, puanngou silh in, akiang uah ahong dingh uhi. Huai mite'n, “Galili gam a mite aw, bangziak a van lam en a dingh na hi ua? Hiai Jesu na kiang ua kipan a van apitouh a om, van a paitou na muh bang un amah mah ahong kik nawn ding,” achi uhi.