Popular Bible Verses from 1 JOHAN 2

Share

‍Khovel it kei unla, khovel a thil omte leng it sam kei un. Mi kuapeuh in khovel a-itleh Pa itna amah ah a-om kei hi. ‍Khovel a thil om tengteng, taksa utnate, mit utnate, damsung thupina limte Pa a kipan ahi kei a, khovel a kipan ahi zaw hi.

‍Khovel, a-utnate toh amangthang lellel ahi. Pathian deihlam hihmi bel tangtawn in a-om gige ding hi.

Amah ah ka om gige chimi, amah om bang in a-om sam ding ahi.

Ka naute aw, thil na hihkhelhlouhna ding un hiai thute na kiang uah ka gelh ahi. Kuapeuh in thil ahihkhelhleh Pa kiang a hon gensakpa, Jesu Khrist, midiktat i nei hi.

Athupiakte zui lou a, “Amah ka thei,” chimi zaw mizuauthei ahi, amah ah thutak a-om kei hi.

‍Huan athupiakte i zuihleh huai ah amah i thei chih i kithei hi.

A-unau ho napi a, vak ah ka om chimi tutan in leng mial ah a-om gige hi.

‍Jesu tuh Khrist ahi chih gingtaloumi sang a zuauthei kua a-om a? Khrist doumi tuh Pa leh Tapa gingtaloumi ahi.

‍Kuapeuh Tapa nial in Pa anei kei a; kuapeuh Tapa gingta in bel Pa leng asang hi.