Popular Bible Verses from KI KAM 17

Share

U la leh ïa kane khnang ba kin wad ïa u, bad lehse kin shem ïa u haba ki tba shane shatai ïa u. Pynban U Blei da shisha um long jngai na uno uno na ngi

Na uwei u briew u la thaw ïa ki jaitbynriew baroh ha ka pyrthei bad u la pynlong ïa ki ban shong ban sah ha kylleng ka pyrthei. U hi da lade u la pynskhem lypa ïa ki por kiba biang bad ïa ki pud jong ki jaka ha kaba kin shong kin sah.

U Blei, uba la thaw ïa ka pyrthei bad ïa kaei kaei baroh kaba don ha ka, u long U Trai jong ka bneng bad ka pyrthei bad um shong ha ki templ ba la thaw da ki kti jong ki briew.

Naba u la buh ka sngi ha kaba un bishar ïa ka pyrthei baroh kawei da ka jinglehhok, da uta u briew ïa uba u la jied. U la ai ka jingpynshisha ïa kane ha uwei pa uwei da kaba pynmihpat ïa uta u briew na ka jingïap!”

Namar ba ngi long ki khun U Blei, ngim dei ban tharai ba ka jinglong jong u ka long kaei kaei kaba kum ka dur da ka ksiar lane rupa lane maw, ba la pynwandur da ka jingstad bad ka buit briew.