Popular Bible Verses from ROM 3

Share

Mi po poin thil an suksuol vawng ta a, Pathien ropuina an chang zo ta naw a nih. Chuong a ringtuhai chu Krista Isua intlanna um lei chun, lunginsietnaa a thlâwna thiem inchangtirin an um a.

chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um naw a.

Pathienin ama felzie inentir dingin Krista Isu chu a thisen ringnaa suol thuphachawina dingin a ruot a. Pathien zaidawtheinain inhmaa suolnahai chu hriet naw tehlêm a thaw a nih. Ama ngei chu mi fel a nizie le Isua ringna nei taphawt thiem inchangtirtu a ni zie tulaia inentirna dingin a nih.

Chuongchun, mi tukhawm Dâna thilthaw leiin a mithmuah thiem changin um naw ni hai; Dân leiin suol hriet famkimna a hung um a ni si a.

“Tukhawm mi fel hrim an um nawh. Pakhat bêk khawm an um nawh, Tûkhawm a hre thiem hrim an um nawh, Tûkhawm Pathien zawng hrim an um nawh. A ni naw tieng an pêt vawng ta a, Ienga khawm hmang tlâk lovin an um vawng ta a; Tûkhawm thil ṭha thaw hrim an um nawh; Pakhat bêk khawm an um nawh.

Chuongchun, Dân thil thaw lei ni lovin, ringna leiin miin thiem chang dingin ei ngai a nih.

Teu lo e! Pathien chu mi indiktak lo ni raw se, mi tin chu mi khêlhlip lo nihai sien khawm: “Nangin i thu hrilin thiem în changtir thei a, rorêlpêka i um khawma i hne theina dingin,” ti ziek ang khan.