Popular Bible Verses from THUVARHAI 16

Share

I sinthawhai chu LALPA kuomah inkawltir la, I ngaituohai chu sukdet nîng a tih.

Mihriem lungril chun a lampui chu a riruong hlak a, A kalchawihai ruok chu LALPA chun a kâwkhmu hlak.

Thu lâwmumhai chu khuoithlâr ang a na, Lungril ta dingin a thlum a, ruhai ta dingin hrisêlna a nih.

Lungril siemrêlnahai chu mihriem ta a na, Leia dawnna ruok chu LALPA kuoma inthawk a nih.

Mi lunginsen intaktak chu mi thilthawtheitak nêkin a ṭha lem a, A lungril thunun theitu chu khawpui latu nêkin a ṭha lem.

Chapona hi sietna hmaah a fe hlak a; Chun, lungril uong chu tlûkna hmaah.

Mihriem lampuihai po po chu ama mithmuahai chun ân thieng a, LALPA ruok chun lungrilhai chu ân khi hlak.

Thu pawisatu chun thil ṭha hmûng a ta, LALPA ringtu chu, ama chu a hlim a nih.

Indiklona leia hlâwkna nasatakhai nêkin, Felna leia tlâwmte chu a ṭha lem.

Mihriem kuoma indik âwmtaka inlang lampui chu a um a, Chu tâwpna ruok chu thina lampuihai a nih.

Mi dukindaklo chun inhalna a thedar a, Mi lâwtthiem chun ṭhien bulhai a sukṭhe.