Popular Bible Verses from NAMBAR 14

Share

LALPA chungah hel naw phawt el unla, chu rama mihai khawm chu ṭi hlek naw ro, ei bu ding an ni el annâwm, an inhumhimna chu teplo mei mei a nih; LALPA chu ei kuomah a um annâwm; anni chu ṭi naw ro,” tiin an hril a.

‘LALPA chu lung inuoitak, zainêmna hau, rîtlonahai le bawsiet- nahai ngaidam hlak, thiemlo changhai insuoktir el ngailo, pahai rîtlona leia nauhai, nauhai nau nâwk chen, suon thumna le suon lina chen khawma hrem hlak a nih,’ ti kha.

Ei chunga hin LALPA a lâwm chun, chu rama chun mi ṭhuoi a ta, mi pêng a tih; nênêtui le khuoizu luong- na ram chu.

Ka siehlaw Kaleb ruok hi chu, lungril danglam puta titakzeta a mi zui leiin, a va fena rama chun ṭhuoi ka ta, a thlahai chun hluong an tih.

An kuomah, ‘ka hringna sâlin ka hril a nih, ka na hriet ngeia in hril angtakin in chungah thâwng ka ta; in ruonghai chu thlalêra hin um a ta

Chuongchun, LALPAIN Mosie kuomah, “Hieng mipuihai hin ieng chen am mi ngainêp an ta, anni laia inchikna ka thaw hlak sa khawm ieng chen am mi ring loin an um ding a na? Hriin hrem ka ta, suklungzîng ka tih

Israel thlahai po po chu Mosie le Aron chunga chun an chier a; a pungkhâwmhai po po chun an kuomah, “Aigupta rama khan mi lo sukhlum thên kha ni ta lem sien aw! Annawleh, thlalêra hin mi sukhlum thên el lem sien aw!

Chun, Nun naupa Josua le Jephunne naupa Kaleb, ram enthla- tuhai laia ṭhang vehai chun an puonhai an keithlêr a; Israel thla mipui pungkhâwm po pohai kuoma chun, “Enthla dingin kan va fang suok ram chu ram ṭhatak a nih.

amiruokchu, ka hring zing ang le Lalpa ropuinain hnuoi pumpui a la suksip vawng ding ang bawkin thu ka tiem, Aigupta ram le thlalêra ka ropuina le ka thilmak thawhai hmua, chuongsa khawma vawi sâwm zet mi la fieh a, ka thu la pawm lo mi po pohai hin, an thlatuhai kuoma inkhâma ram ka tiem chu hmu naw tawp an ta, anni laia mi ngainêptu hrim hrim khawma hmu bawk naw ni hai.