Popular Bible Verses from NAMBAR 13

Share

Amiruokchu, Kaleb chun, Mosie hmaa mipui chu a sukto ṭhuop a, “Hang inthawk vak ei tiu khai, hang la el ei tiu, hne ngei ngei ei tih,” a ta.

chutaka chun Anak thlahai, mi lienhai, âwmkhautak tak el kan hmuh a, keini chu khâu ang chauin kan inhmu el a nih; anni khawma khâu ang chauin an mi hmu hrim a,” tiin a ṭha naw tiengin an hril a.

Nisienlakhawm, a fepuihai chun, “Hang hne thei tâwl nâwm ei ni ie, eini nêkin an hrât lem sih a,” an tih a.

Chuongchun, Israel thlahai kuoma chun an ram hang enthlâk chu, “Ram enthla dinga kan hei fang chu, a sûnga umhai fa zo hmang a na, chun, a umhai kan hmuhai khawm chu mi âwmkhautak tak el an na

Mosie kuomah, “I mi tirna rama chun kan feh a, nênêtui le khuoizu luongna a lo ni ngei el; hi hi a rama thei a nih.

Amiruokchu, a rama mi umhai chu mi hrâttak tak el an na, khuohai khawm kul nei, ropuitak tak an nih; chun, Anak thlahai khawm kan hmu bawk a.

Amalek mihai chu sim rama chun an um a, Hit mihai, Jebus mihai, Amor mihai chu tlângahai chun an um a; chun, Kanaan mihai chu tuisuoriet pang le Jordan vadung pangah an um,” tiin an hril a.

Chuongchun, Paran thlalêra Kades a chun Mosie le Aron le Israel thla mipui po po kuom chu an hung tlung a, chu ram theihai chu an inentir a.