Popular Bible Verses from FESUOKNA 3

Share

Pathien chun Mosie kuomah, “UMA kha KA NIH” a tih a. Chun, ama bawkin, “Israel thlahai kuoma chun, UMA khan in kuomah a mi tir a nih, tîng i tih,” a ta.

Ama chun, “I kuomah um ngei ngei ka tih, chun, ka tir che a nih ti inchikna chu hi hi nîng a tih: Aiguptaa inthawka Israel mihai i hung ṭhuoi suok pha, hi tlâng chunga hin Pathien rawng la bâwl in tih, ti hi,” a tih a.

Ama chun, “Hitaka hi ka um,” a tih a. Pathien chun a kuomah, “Hi tieng hi hung hnai naw rawh: i kephaha inthawkin i kekawkhai kha hlîp rawh; i ngîrna hmun kha hnuoi inthieng a ni sih a,” a tih a.

Chun LALPA chun, “Aiguptaa ka mihai rimsikzie chu feltakin ka hmuh a, an sinthaw hotuhai sukrimsikna leia an khêkri khawm chu ka hriet a, an tuornahai chu ka hriet a, chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.

Chun, Lalpa vântirko, chîm- bukah mei chawkin a kuomah a hung inlâr a; a en a, chîmbuk meia chawk zur zura a chîmbuk chu kâng hmang si lo chu a hmuh a.

Chuleiin, hung ta, Israel thla- hai chu Aiguptaa inthawka i hung ṭhuoi suok theina dingin Pharao kuomah tir ka ti che,” a tih a.