Popular Bible Verses from FESUOKNA 2

Share

Pathienin an inrûm chu a hriet a, Abraham, Isak le Jakob kuoma a thuthlung chu Pathienin a hriet zing a. Chun, Israel thlahai chu Pathien chun a hmuh a, anni chu a hriet zing bawk a.

Chuong ni tamtak sûng chun Aigupta lal chu a thi tah a. Israel thlahai chu an intângna lei chun an thuok a dawng hleh a, Pathien an ko a, an intângna leia ama an kona chun Pathien kuom a tlung tah a.

Chun, nuhmei chun naupang chu a lâk a, a dawn tah a. Naupang chu a hung inṭhang lien a, Pharao naunu kuomah a hung ṭhuoi a, a naupa a hung ni tah a. Chun, “Tuia inthawka ka lâk suok a nih a” tiin a hmingah Mosie a sak a.

Chun, Pharao naunu chun a kuomah, “Hi naupang hi la la; ka ta dingin dawn rawh; chun, i hlaw tâwk pêng ka ti che,” a tih a.

Chun Pharao naunu chu va- dunga insil dingin a hung thlah a; a nunghâkhai chu vadung pang hrûla chun an fe vêl a; phairuong- hai laia lawng chu a hmu tah a, nunghâk pakhat chu va la dingin a tir a.

Mosie chu a hung puitling a, ni khat chu a unauhai kuomah a fe tah a; an rikphurhai chu a hmuh a: chun, a unauhai laia mi pakhat, Hebrai mi, Aigupta miin a vuok a hmuh a. Chun, a ngha vêl a ngha vêl a, mi tukhawm an um nawh ti a hmu phingin Aigupta mi chu a vuok hlum a, phaiphinah a thuphmang tah a.