Popular Bible Verses from ROM 8

Share

Cun Pathian a dawtu amah nih a duhning i a kawhmi hna caah zeizong vialte hi a ṭha leiah a tuahpiak hna, ti kha kan hngalh.

Thihnâk le nunnâk, vanmi le buainâk, thiltikhawhnâk, thil um liomi le thil um laimi, sannâk le thuhnâk, sermi thil dang vialte zong nih, kan Bawipa Jesuh Krih i a ummi Pathian dawtnâk chungin a ka ṭhen kho lai lo tiah fiang tein ka hngalh.

Cubangin Thlarau nih kan thazâng dernâk ah a kan bomh tawn. Zeitindah thla cam awk a si, ti hmanh kan hngalh lo cân ah Thlarau nih hmurkâ in chimkhawh lomi aihrâm nâkin kan caah thla a kan campiak tawn.

Hi kongah hin zeitindah kan chim lai? Pathian kan leiah a `an ahcun ahonihdah a kan doh khawh lai?

Cucaah atu cu Krih Jesuh ah a um i thisa duhnâk zul loin, Thlarau duhnâk a zulmi hna caah cun thiamlocoternâk zeihmanh a um ti lo.

Thisa duhnâk lawng ruah cu thihnâk a si. Thlarau thil ruah cu nunnâk le daihnâk a si.

Ṭhen hlah e! Cu thil vialte hna cu a kan dawtu thawngin teitu hna nâkin teitu kan si deuh.

Zeitintiah atu cân i temtuarnâk hna hi hmailei i langhter ding sunparnâk he cun tahchunh tlâk ah ka ruat lo.

Krih dawtnâk chungin zeinihdah a ka ṭhen khawh lai? Harnâk nih maw, ngaihchiatnâk nih maw, serhsatnâk nih maw, pâmnâk nih maw, taklawng umnâk nih maw, ṭihnung nih maw, vainam nih maw a kan ṭhen hnga maw?

Cubangin Pathian duh ningin mithiang hna caah a halpiak tawn caah lungthin a zohtu nih Thlarau lungput cu a hngalh tawn.

Zeitintiah Pathian Thlarau hruaiin a ummi vialte cu Pathian fa an si.

Zeitintiah thisa duhnâk i a nungmi hna nih thisa duhnâk lawng an ruah i Thlarau duhnâk i a nungmi nih Thlarau duhnâk kha an ruah tawn.

A fapa hmanh zuah loin kan dihlak caah a kan pêk ahcun, zeitindah thil vialte zong Amah sinah manlo tein pêkchih loin a kan um hnga?

Thlarau hrimhrim nih kanmah thlarau he Pathian fa kan si kha a kan hngalhter, fa kan si ahcun, ro cotu kan si. Pathian ro cotu Krih ro copi hawi kan si, Amah kan tuarpi taktak ahcun a sinah thangṭhat kan si ve lai.

Zeicatiah thisa lungput nih Pathian a ralchanh i Pathian nawlbia tangah um a duh lo, a um zong a um kho lo.

Zeitintiah Pathian fale langhter an si lainâk kha sermi thil vialte nih hngahhlang ngai le i ruahchan ngaiin an cuan.

Zeitintiah sermi thil vialte hi atu tiangin aihramnâk le nau nganfah tuarin an um tiah kan hngalh.