Popular Bible Verses from BIAPHUAN 19

Share

I lawm in i nuam u sih, Amah cu sunparnâk pe u sih, zeitintiah Tuufano nupi ṭhit cân kha a phân cang, a nupi ding zong â tim cang.”

A puan le a phei ah: SIANGPAHRANG HNA SIANGPAHRANG LE BAWI HNA BAWI tiah ṭialmi a ngei.

Cubangin van â ongmi ah, zohhmanh, rang râng ka hmuh. Cun a cungah a ṭhumi cu Zumhtlâk le Biatak tiah kawhmi a si i dinnâk in bia a ceih i ral a doh tawn.

A mit cu mei alh bantuk a si i Alu cungah bawiluchin tampi â chinh. Amah dah tilo ahohmanh nih an hngalh lomi min ṭialmi a ngei. Thisen ah ciahmi puan â aih i a min cu Pathian Bia ti a si.

Cubangin akâ chungin miphun hna a tuknâk ding a hârmi vainam a chuak. Cun thirfung he a uk hna lai. Zeizongtuahkho Pathian thinhunnâk ṭih a nungmi in misur nennâk khor ah a lamhchih hna lai.

Cuticun sahrang cu an tlaih, profet deu a mithmuh ah hmelchunhnâk a rak tuahtu le, khuaruahhar thil a tuah khawh ruangah sahrang hmelchunhnâk ngeitu le a lem a biaktertu hna zong a sinah an tlaih chih ve hna. An pahnih in an nungna in mei le kât in a kangmi tili ah an hlawnh hna.