Popular Bible Verses from SÂM 119

Share

Na bia cu kake caah meiin a si i ka lam caah ceunâk a si.

Na cungah sualnâk ka tuah nâkhnga lo, na bia kha ka lungchung ah ka thuh hna.

Mino nih zeitindah a nunning a thianter khawh lai? Na bia ṭha te i zulhnâk lawngin a thiang kho lai.

Lungthin dihlak in amah kawltu hna le, a hngalhtermi bia a zultu cu mithluachuak an si.

Nangmah cu kâ thuhnâk hmun le ka phaw na si, na bia cu ka ruahchannâk a si.

Hngalhthiamnâk ka pe law, na nawlbia cu ka zulh hna lai, asi ka lungthin diklak in ka zulh lai.

Na hngalhternâk bia lei ah ka lungthin hi mer law, hakkauhnâk lei ah cun si hlah seh.

Na phunglam cawng kho dingin harnâk ka rak tuarmi hna kha ka caah a ṭha.

Hihi ka harnâk ah ka hnangamnâk a si, zeitintiah na bia nih nunnâk aka pêk.

Na nawlpêkmi lam kha ka zulhter ko, zeitintiah cucu kâ lomhnâk a si.

Maw BAWIPA, na phunglam kha ka cawnpiak law, a dongh tiangin ka zulh lai.

A rittuk mi ruangah ka nunnâk hi a tlum i na bia ningin ka ṭhawnter hrâm ko.

Aw na nawlbia cu zeitlukindah ka tlaihchan, hihi nitlâk tein ka ruah.