Popular Bible Verses from Matewus 24

Share

Wala n'a za woɗi futini ɗikat kai aga a riya amai, buri nɵa diri na warɗi ɗai viya aga a ɵaɗa. Amma ni n'a siika pin yimi haa hlai zi dibi, ni aga a kora.

Labar zi firiyi na wiiɗi pai aga a ɓaka midiɗi yai paŋ, kapai pinzibaɗi ɗai paŋ, e ɵini seŋ hanɗa. Asakal hanɗa, hlai zi dibi aga a halasi.

Aga ki ɵini gaw gaini labarni gaw, ki zi hangal kapai hunai te yimiki kai. Buri gaini dewele hanɗa aga a za amma hlai zi dibi a za kai hai.

Buri ɗai na midini afti ktai aga e fiki amai siɗi ɗai na midini afti zamai, pai midiɗi pai lai, wiyamai aga te za, afti aga a ziriya war hlai zamai zamai Amma hanɗa paŋ a pin gir zi tiki.

hlai n'amai gaiɗi yai lai aga a vada edi, amma seŋ na wiya aga a vada edi kai zaŋ.

Buri viya aga e hilisi war yikiŋa aŋ miɗi, ta mu Kristu, nagai aga e wuli ɗai viya edi lai.

Won hlai ni aga e siki edi min gir, aga e fiɗiki edi lai. Pinzibaɗi ɗai paŋ aga e bili gaw siki burini yikiŋa. Won hlai ni ɗai viya aga e hini yimi edi, aga e zi tege piɗi marɗi, aga e bili gaw siɗi marɗi. Ɗai na min-Alaw na jrekai-kai aga e fiki amai, aga e wûli ɗai viya edi.

Yesu a waya seŋ a miɗiɗi: ki zi hangal, kapai ɗif a wuliki edi kai.

Buri nɵa ki simni gaini zizini buri Ahini ɗif aga a halasi war ler na ki hiini midini kai.

Buri nɵa ki simni karki, buri tiki ki siɗi mefeŋ n'Epiɗ-ɗaiki aga a halasi woni kai.

Amma mefeŋ hanɗa gaini ler hanɗa ɗif a sɗaŋ kai, ɗai zi ɵeŋ na war fuŋ-n'Alaw e siɗiŋ kai, Ahi lai a siɗaŋ kaalai, amma a Api ni kiini ktai.

Kristukai na jrekai-kai gaiɗi ɗai na min Alaw na jrekai-kai e fiki amai aŋ zi wazagai zi siŋki n'abakai gaini wazagai zi hiila, haa zi viri n'edi tekeɗeɗi e diri e wuliɗi edi, na ɓa wala hanɗa a sida aŋ za nɵa.

Amma maini a za war mefeŋ na wiini Nowa nɵa, gizini Ahini ɗif aga a za nɵa lai. Buri maini mefeŋ na wuzani yem zi niɓi n'abai, e simi, e ci, e tiki falai e si aŋ tiki, haa sin mefeŋ na Nowa a niya warni arken. E siɗi walakai ha yem zi niɓi a halasi a miliɗi paŋ. Gizini Ahini ɗif aga a za nɵa lai.