Popular Bible Verses from Matewus 19

Share

Yesu a tiliɗi a miɗiɗi: buriɗi ɗai ɗa a wala n'a sɗa aŋ za kai, amma burini Alaw wala n'a kiɗa a za kai aŋ kai.

Nɵa nagai e ɗa sulu kir kai, amma e ɗi si ktai, wala n'Alaw a tapaŋ tap ɗa, hina ɗif a ɓurwaŋ edi kai.

A waya seŋ a muɗa: Ki tili war ɗû kai ɗi? Ni n'a rgiɗi war pi zi tiki, a rgiɗi wus gaiɗi muni. A muɗa: Buri nɵa wus aga a hina epini gaiɗi emini edi, a tapa gaiɗi munini, nagai na sulu hanɗa aga e bindi aŋ si ktai.

Amma Yesu a miɗiɗi: hiniɗi aliyagoi e hilisi, ki ɗiliɗi kai, buri paini fuŋ-n'Alaw te na buriɗi nagai n'e ɗa maiɗi nɵa.

N'avut viya aga e bindi aŋ n'asakal, n'asakal viya aga e bindi aŋ n'avut lai.

Asiya ɗi paŋ n'aga a hinasi dalamni edi, zaw tawalakaini na maɵagai zaw na falakai, zaw epini, zaw emini, zaw ali, zaw aftini buriya ɗa, aga a nava hanɗa azi miya, aga a nava suŋfa n'a vada kai aŋ bulum lai.

Yesu a miɗini: na ɓa ku dara ku va amai aŋ pɗem ɗa, hala, wura wazagaiku n'a na ɗa paŋ edi, ku siŋɗi wiiɗi na murgakai; aga ku nava godai amai warni fuŋ-n'Alaw, asakal par ku halasi, ku tapa pa.

A wiyini seŋ: ku zilbaŋa miɗini wala na pɗem buri ma ɗa? Na pɗem a na ɗa ktai, na ɓa ku dara ku niya warni suŋfa ɗa, za pini seŋ zi gadai. A miɗini a na wata ɗa?

Mu midiki pra: Ɵigini a niya warni baŋani lepre gop a suwa ɗif zi farai n'a niya aha warɗi pai n'Alaw.

Amma mu miɗiki Ni n'a biditi munini, na ɓa burini maɵara kai, a tikiti muni na zamai ɗa, a za maɵara.

Yesu a miɗiɗi wiiɗi ɗaini zi hitri: jre, mu miɗiki, a gir gara burini ɗif zi farai aŋ niya warɗi paini fuŋ-n'Alaw.