Popular Bible Verses from BAFILIPI 2

Se direng sepe ka boithatelo, le fa e le ka tlotlo ya boithamako, mme ka boikokobetso yo mongwe a kaye yo mongwe yo mogolo mo go ene. A mongwe le mongwe a se lebe tsa gagwe fela, mme a a lebe le tsa ba bangwe.

Boitlhômô jo bo tshwanetseng go nna mo go lona ke jo bo neng bo le mo go Keresete Jesu le ene

yo e rileng a le mo tshwanong ya Modimo, a se ka a kaya go tshwana le Modimo jaaka thopo, mme a ikamoga ka go tshola tshwano ya motlhanka, a nna jaaka batho, a fitlhelwa a tshwana le motho ka maitsholo, a ikokobetsa ka go nna yo o utlwang go ya losong, e bong loso lwa sefapaano.

gonne Modimo ke ona o o dirang mo go lona go rata le go dira ka ntlha ya natefelo ya ona.

Ke ka moo Modimo o mo godisitseng mo go fetang, wa mo naya leina le le fetang leina lengwe le lengwe gore mangole otlhe a khubamele leina la ga Jesu a dilo tse di kwa legodimong le a tse di mo lefatsheng le a tse di kwa tlase ga lefatshe, le loleme longwe le longwe lo ipolele gore Morena ke Jesu Keresete, e le go galaletsa Modimo Rara.

Dirang tsotlhe kwa ntle ga dingongorego le dipelaelo gore lo nne lo se na molato, lo le bopeloephepa le bana ba Modimo ba ba sa nyatsegeng mo gare ga batho ba ba kgopo le tshokamo, ba lona lo phatsimang mo go bone jaaka dinaledi mo lefatsheng

Jaanong, baratwi ba ka, ba lo ntseng lo utlwa ka metlha, e seng fela fa ke le teng, mme bogolo bogolo jaanong ke se yo, ipatleleng phologo ya lona ka poifo le thoromo