Popular Bible Verses from JESAYA 54

Share

Sebolai sengwe le sengwe se se thulwang gore se tlhabane nao, ga se nke se kgona sepe. Loleme longwe le longwe lo lo go tsogelang mo tshekong o tla lo fenya kganetsanyong. Ke jona boswa jwa batlhanka ba MORENA le tshiamelo ya bone e e tswang mo go nna.” MORENA o buile jalo.

Le fa dithaba di ka suta, le fa dithabana di ka reketla, bopelotlhomogi jwa me ga bo kitla bo tloga mo go wena; kgolagano ya me ya kagiso ga e kitla e reketla.” MORENA yo o go utlwelang botlhoko o buile jalo.

Se boife, gonne ga o nke o tlhajwa ke ditlhong; se tlhajwe ke kgala, gonne ga o nke o tlhonya. Gonne o tla lebala ditlhong tsa bošwa jwa gago, o sa tlhole o gakologelwa kgobo ya botlholagadi jwa gago.

Gonne yo o go dirileng ke monna wa gago. Leina la gagwe ke MORENA wa masomosomo. Mogolodi wa gago ke Moitshepi wa Iseraele. Ene o tla bidiwa Modimo wa lefatshe lotlhe.

Katolosa manno a tente ya gago; a ba tsharolole masela a meago ya gago. Se rekegele, o leelefatse megala ya tente ya gago, o kokotelele dimapo tsa gago thata.

“Bana botlhe ba gago e tla nna barutwa ba MORENA. Kagiso ya bana ba gago e tla nna kgolo.

E rile ke tuka bogale, ka go fitlhela sefatlhego sa me sebakanyana, mme ke tla go utlwela botlhoko ka bopelotlhomogi jo bo sa khutleng.” MORENA, Mogolodi wa gago, o buile jalo.

“Ke ne ke go tlogetse sebakanyana se sekhutshwanyane, mme ke tla go phutha ka mautlwelo-botlhoko a magolo.

“Gonne tseo di tshwana le malatsi a ga Noa mo go nna. Ke ikanne ka re: Metsi a ga Noa ga a kitla a tlhola a ralala lefatshe. Jaanong ke ikanne jalo ka re: Ga nkitla ke go galefela le e seng go go kgalemela.

Ditlhoa tsa matlo a gago ke tla di dira ka mafika a mahibitswana, le dikgoro tsa gago ka mafika a mahibidu, le lobota lotlhe lwa gago ka majwana a a rategang.