Popular Bible Verses from JESAYA 53

Share

Mme ene o phololeditswe ka ntlha ya maleo a rona, a teketelwa melato ya rona. Petso ya mo wela gore rona re bone kagiso. Mme re fodisitswe ka dintho tsa gagwe.

Rona rotlhe re ne re timetse jaaka dinku, mongwe le mongwe wa rona a fapogela mo tseleng ya gagwe, mme MORENA o ne a digela melato ya rona rotlhe mo go ene.

Mme ruri ene o rwele malwetse a rona, a sikara matlhoko a rona; mme rona ra itlhoma, fa a bediwa, a itewa ke Modimo, a bogisiwa.

O ne a nyatsega, a tlogelwa ke batho; e le monna wa matlhoko, a tlwaetse bolwetse; e le yo ba mo fitlhelang difatlhego; a nyatsega, mme ra se ka ra mo kaya sepe.

E rile a bogisiwa a ikokobetsa, a sa bule molomo wa gagwe jaaka kwanyana e e isiwang kwa tlhabong le jaaka nku e e leng semumu fa pele ga babeodi ba yona. Ee, ga a ka a bula molomo.

Mme go ne ga kgatlha MORENA go mo itaya le go mo tlhokofatsa. Fa a sena go ntshetsa bophelo jwa gagwe setlhabelo sa boleo, o tla bona losika, a phela malatsi a mantsi, mme tse di kgatlhang MORENA di tla tswelela pele ka seatla sa gagwe.

Motlhanka wa MORENA o ne a tlhoga fa pele ga gagwe jaaka letlhogela le jaaka modi mo lefatsheng le le omeletseng. O ne a se na popego le bontle, fa re ka mo lebang; a se na ponalo, fa re ka mo eletsang.

Ka moo ke tla mo abela boswa mo go ba bagolo; o tla abanya thopo le ba ba thata; ka gonne o ne a neela bophelo jwa gagwe mo losong, a balwa le baikepi. Mme tota o ne a rwala boleo jwa ba bantsi, a rapelela baikepi.”

O tla bona tseo, a kgora ka ntlha ya tapisego ya mowa wa gagwe. “Motlhanka wa me yo o siameng o tla siamisa ba bantsi ka kitso ya go mo itse, mme melato ya bone ene o tla e rwala.

O ne a ntshiwa mo pitlaganong le mo tshekisong. Go ne ga tsaatsia mang mo go ba ba phelang nae? Gonne o ne a kgaolwa mo lefatsheng la baphedi, a otlwa mo go isang losong ka ntlha ya boikepo jwa morafe wa me.

Ba ne ba mo naya lebitla mo baikeping, le fa a sa dira tshiamololo epe; le fa go se tsietso mo molomong wa gagwe; mme ya re a swa, a nna le mohumi.