Popular Bible Verses from BAKOLOSE 2

Share

Jaanong tsamayang mo go Keresete Jesu Morena jaaka lo mo amogetse. Lo nne ba ba namileng medi, lo agiwe mo go ene, lo tiisiwe mo tumelong ka fa lo rutilweng ka teng, lo penologe tebogo.

Itiseng gore go se nne ope yo o lo ithopelang ka thuto ya botlhale le ka tsietso ya boithamako ka fa melawaneng ya batho, ka fa dithateng tsa tlhago tsa lefatshe, mme e seng ka fa go Keresete.

Le lona ba lo neng lo sule ka ditlolo le ka go-sa-rupang ga nama ya lona, o lo phedisitse nae, wa re itshwarela ditlolo tsotlhe, wa phimola lokwalo lo lo re bayang molato lo lo neng lo emelanye le rona ka melao, wa lo tlosa fa gare ka go lo kokotela mo sefapaanong

Gonne botlalo jotlhe jwa Bodimo bo agile mo go ene ka sebele. Mme lona lo dirilwe ba botlalo mo go ene yo e leng tlhogo ya balaodi botlhe le mebuso yotlhe.

Mme jaanong a go se nne ope yo o lo sekisang ka ntlha ya dijo gongwe dino, le e seng ka ntlha ya sengwe sa moletlo gongwe sa ngwedi o o rogilweng gongwe sa boSabata, tse e leng moriti wa dilo tse di tlang, mme tsone tota ke tsa ga Keresete.