Popular Bible Verses from Apokalupo 22

Share

Ko au te Alepha e te Omega, te momua e te akaopenga, ko to mua e ko to muri.

E i na, te aere vave atu nei au; e tei iaku nei taku tutaki; kia apai atu au na te tangata ravarai i tei tau i tana angaanga.

E te tuatua nei te Vaerua ma te vaine akaipoipo ou ra, E aere mai. E ko tei akarongo ra, ka tuatua katoa aia e, E aere mai. E ko tei kaki ra, ka aere mai. E tei anoano ua ra, ka rave ua mai aia i te vai ora.

E ao to te aronga e akono i tana ra au akaueanga, kia tau ia ratou kia kai i to runga i te rakau ora, e kia na te au ngutupa ratou i te tomo ki roto i te oire ra.

I na, te aere vave atu nei au: e ao to te akono i te au tuatua totou i roto i teianei buka.

Kare oki o reira po; kare oki e tau te lamepa i reira, e te mārama rā; no te mea ko te Atu ra, ko te Atua, to ratou mārama: e e au rai to ratou e tuatau ua atu.

Te na ko maira tei akakite i teianei au tuatua, Tikai, te aere vave atu nei au. Amene. Koia ïa, ka aere mai, e te Atu, e Iesu e. Ei ia kotou ravarai te aroa ua o to tatou Atu ra o Iesu Mesia. Amene.

Te akakite pu nei oki au ki te tangata ravarai i kite i te tuatua totou i roto i teianei buka, Kia topiri mai tetai tangata i tetai tuatua ke ki teianei au tuatua, na te Atua e topiri mai kiaia te au mate i tataia ki roto i teianei buka: E kia kiriti ua tetai tangata i tetai tuatua i te au tuatua totou ki roto i teianei buka, na te Atua e kiriti ke atu i tana tuanga i roto i te buka ora, e i roto i te oire tapu, i tataia ki roto i teianei buka.