Popular Bible Verses from Apokalupo 21

Share

E nana e orei i te roi-mata katoatoa; e e kore rava te mate, e te aue, e te mii; e te mamae oki, e kore katoa ïa; no te mea kua kore te au mea taito.

Kua tuatua maira tei noo ki runga i te terono ra, I na, te akairo nei au i te au mea ravarai ei mea ou. E kua tuatua maira aia kiaku, Ka tata ana: e tuatua-mou oki teianei au tuatua e te pikikaa kore.

Kua akarongo atura au i tetai reo maata no te rangi maira, i te na ko anga mai e, I na, tei ko te tangata ra te puakapa o te Atua, e e noo aia ki rotopu ia ratou, e riro ratou ei tangata nona, e e noo te Atua ki rotopu ia ratou, ei Atua no ratou.

Kua na ko maira oki aia iaku, Kua tupu. Ko au te Alepha e te Omega, te momua e te akaopenga. I te tangata e kaki ra, e oronga ua ia au i te vai ora pupui ua nana.

Ko te riro iaia te re ra, nona te au mea ravarai; e e riro au ei Atua nona, e ei tamaiti aia naku.

Kareka tei mataku ua ra, e te akarongo kore, e te aronga viivii ra, e te ta tangata, e te akaturi, e te purepure, e te akamori idolo, e te aronga pikikaa katoatoa ra, e tuanga ta ratou tei te roto ai e te teio e ka ua ra: koia te rua o te mate.

E KITE atura au i te rangi ou e te enua ou, kua kore oki tei muatangana rangi e tei muatangana enua; e kare rava atura e tai.

E kite atura oki au nei ko Ioane i te oire tapu ra, ko Ierusalema ou, i te eke anga mai mei ko mai i te Atua i runga i te rangi, kua akamaneaia mei te vaine i akamaneaia no te akaipoipo anga ki tana tane ra

E kare oki e tau i te reira oire te rā, e te marama, ei akamārama i roto; na te kakā no ko mai i te Atua ra i akamārama i te reira, ko te Punua-mamoe oki to reira mārama. E e aaere te pa enua i akaoraia ra i roto i tona mārama: e e apai mai te ui ariki o te ao nei i to ratou kakā e te ngateitei ki roto.