Popular Bible Verses from Mudyondzisi 5

Share

U nga hatlisi ku vulavula, u nga tsutsumeli ku va ni rito emahlweni ka Xikwembu, hikuva xona xi le matilweni, kasi wena u laha misaveni, hikokwalaho, chava ku tata marito.

Xikwembu xi nga nyika munhu loyi rifuwo lero tala, xi n'wi pfumelela ku ri tirhisa, a nkhensa leswi a averiweke swona, a dya mihandzu ya ku tikarhata ka yena; hinkwaswo leswi, ú lo nyikiwa hi Xikwembu.

Munhu loyi a rhandzaka mali, ú ri, a nga kumi yo ringana; la tsakelaka rifuwo, ú ri, a ri n'wi vuyiseli nchumu. Na swona sweswo, a swi pfuni nchumu.

Loko u kongoma eTempeleni, u fanele ku tivonela swinene; xikongomelo xa wena a ku ve ku yingisa ntsena, ku nga ri ku humesa magandzelo kukota swiphunta, hikuva swona a swi tivi nchumu, loko ku nga ri ku dyoha ntsena.

Loko u hlambanya emahlweni ka Xikwembu hatlisa u hetisa mhaka ya kona, hikuva Xikwembu xi venga swiphunta, wena endla leswi u swi hlambanyeke.

Loko u nga hlambanyi, swa antswa, ku ri na ku hlambanya u nga ha endli.

Mutirhi ú etlela byi phaha, hambi ú dyile switsongo kumbe swo tala; kasi ku xurha ka xifumi ku xi pfumata vurhongo.

Ú velekiwile a nga ambalanga, ú ta fisa sweswo a nga ri na nchumu, a lova a nga rhwali na xin'we xa leswi a tikarhateleke swona.