Popular Bible Verses from Mudyondzisi 4

Share

Ku va vambirhi, swi tlula ku va un'we ntsena, hikuva va vuyeriwa ku antswa entirhweni wa vona. Nakambe, loko va khuguka va wa, un'wana ú ta pfuxa loyi un'wana. Kasi la nga yexe, ú le khombyeni, loko a wela hansi, ú pfumala wo n'wi pfuxa.

Xigevenga xi nga hlula la nga yexe, kambe loko va ri vambirhi, va ta xi tsutsumisa. Ntambhu ya miluko minharhu, a yi nga hatli ku tsemeka.

Naswona, loko vambirhi va funengela nkumba wun'we, va kufumetana, kasi la nga yexe, ú ta kufumerisa ku yini ke?

Xandla xin'we xa munhu wo rhula, xi tlula swimbirhi swa mugingiriki, la hlongorisaka moya.

Ndzi vonile ni leswi: Hinkwavo lava tikarhataka ni ku humelela emintirhweni ya vona, va susumetiwa hi ku vondzoka varikwavo. Na swona sweswo, a swi pfuni nchumu, i ku hlongorisa moya ntsena.

Jaha ro tlhariha, hambi ri ri xisiwana, ri tlula hosi ya xiphunta leyi dyuhaleke, leyi alaka ni ku tsundzuxiwa.