Popular Bible Verses from Rom Teeb 12

Share

I daa te ki i binbeŋ tee kaman nan tingbouŋ na niib binbeŋ na, ŋaan ŋaant ki Yennu-n lebit i dudukit nan barmɔnii, kii ŋamm i binbeŋ fanu; ŋanne ki i sa bann Yennu yanbɔɔt nba ŋan ki bia tee fanu ki gbenn.

Li paak, n naa waas, Yennu ninbatinu paake te ki n barimi ma yi jii i gbanant ki turɔ, ki lii tee mannu nba fo, kii waa ŋɔɔ kuukɔɔ, ki li sa maŋɔ; ŋanne tee Yenjiantu nan barmɔnii.

ŋaan kii mɔk parpeenn i dindann paak, kii mɔk mintir i fardinu sinsuuk ni, ŋaan kii mei Yennu yoo kur

Daa ŋaant ki biit-n nyannani, ŋaan jii toonŋana ki nyann biit.

I loon leeb man bonŋann kaman nan nirɔ nan u naa bik nba tuu loon leeb biaŋinba na, ki kot kii baakit leeb

Ŋaant ki loomm-ii tee barmɔnii loomm, ŋaan kii soor linba ŋan na fanu, ŋaan kii nân biit.

Yii yabir i mɔŋ man kii mɔk parmaasir nan niib kur.

N naa walonkai, i kpan daa tuun biit ki jiint biit paaki, ŋaan ŋaant ki Yennu-n pa pann maŋ ki dat bi tuba ki jiin. Li sɔb Yennu gbouŋ ni a ti Yomdaanɔ yet a “Min kuukɔɔe mɔk yaak nba ki sa dat niib tuba; mine sa jiin ki tun biit maŋ.”

kii tee nikakitii, ki daa tiin gbannyakiri, ŋaan kii tuun ti Yomdaanɔ toona nan i para kura

Yennu nba tinin ninbaauk na paake ki n yeen sɔɔ kur a sɔɔ daa dukii u par ni a u tee nijaann ki gar wa tee biaŋinba; ŋaan ŋaant ki sɔɔ kur-ii dukii ki bann yada nba ki Yennu turɔ na bikinu.

I daa tuun biit ki jiint biit paaki; kotir i mɔŋ kii tuun linba ki niib kur sa la ki li ŋan.

Yii mɔk man dudukyennkɔɔ ki daa mɔk dontinmɔŋ; ŋaan kii saak toona nba ki mɔk dontinmɔŋi, ki daa dukii nan i mɔk ninyentiri.

Yii tee kaman nan la sɔb Yennu gbouŋ ni a “A dataak-i mɔ kon, fan dinnɔ, nyunyukiru-i soorɔ, fan turɔ nyun wun nyu; a ki fi-i tee nna, a dintɔ feie.”

Binba mukisi, yin jiimm a “Yennu mɔsonŋann-ii be i paak.” Mɔmɔmm, yii jiimm nna, i daa teemm mɔpor gbaa. Wunba mɔk parpeenn, yii mun-ii mɔk parpeenn mun; ki wunba mun mɔk parbiir, yii mun-ii mɔk parbiir mun.

ŋaan paat linba ki i mɔk na ki tur Yennu niib nba ki mɔki, ŋaan kii gaan saamm kii chantirib i ŋei ni.

Tɔn, nirɔ gbanant bɔkite, ki mɔk bont kur nan li toonn, ŋaan taan ki tee gbananyennkɔɔ. Li mun bia tee nnee nan ta yab bonchiann, ŋaan timm nan Masia lakin tee gbananyennkɔɔ, ki ti kura na gbanant taan ki tukin ki ji teen gbananyenn.