Popular Bible Verses from Rom Teeb 10

Share

Li-i tee ki a set pak ki kat nyinn a mɔb ni ki yet a Yisa tee a Yomdaanɔ, ki bia teen yada a par ni nan Yennu set fiinɔ kuun ni, Yennu sa tinnawa.

Kimaan nirɔ set teen Yisa yadae u para ni, ki Yennu yet a u tee niŋanɔ u tɔɔnn, ki li set nyii u mɔb nie ki yet nna, ki li paake ki u la tinnu.

Li paak, nirɔ-i gbia barŋanii, ŋanne sa te ki wun teen Masia yada; ki niib-i mɔɔntir Masia barŋanii na, li mun sa te ki u gbiar.

Li sɔb Yennu gbouŋ ni a “Daanɔ nba teenɔ yada, u kan mi di fei.” Bɔkitu kaa Juu teeb nan binba ki tee Juu teeb sinsuuk ni, Yennu kuukɔɔ nee tee ti kura Yomdaanɔ, ki binba kur meiɔ, u sommitib nan burchintuk. Li sɔb Yennu gbouŋ ni a “Wunba kur mei ti Yomdaanɔ sommir po, u sa la tinnu.”

Ki Yennu-i kii tun toomiinba, nlee ki barŋanii maŋ sa mɔɔnti? Li sɔb Yennu gbouŋ ni a “Binba lin ki mɔɔntir barŋanii maŋ, bi baaru ŋan bonchiann.”

Tɔn, niib-i kii teenɔ yada, bi sa teen nlee ki miarɔ sommir po? Ki bi-i kii gbat barŋanii maŋi, bi sa teen nlee ki teenɔ yada? ki bi-i kii mɔɔnt barŋanii maŋi, nlee ki niib sa gbat li po?

Kimaan Moses sennu weiu ji kan te ki Yennu-n yet a sɔɔ tee niŋanɔ u boori; ŋaan wunba kur teen Masia yada, Yennu sa yet a li daanɔ tee niŋanɔe u boor.