Popular Bible Verses from Rom 3

Share

Lɩɩ fɛɛ ɔkʋmaa nɩmʋ waa alibi nɩɩ ɔ pan Ɩbwaarɛ bʋnyaa mʋ. Lɩɩ Ɩbwaarɛ kabwaala kakɛɛ sʋ mʋ, ɔ bɔla Yesu Krisito kɩkɔɔlɛ asa yɛgɛ mʋ sʋ, nɩɩ o kyula sa bamʋ fɛɛ bamʋ ɩkpa i kyiigi mʋ asɛ.

Ɔkpa mʋ nɩɩ Ɩbwaarɛ ɩ bɔla sʋ, kɛ o wu fɛɛ asa ɩkpa ii kyiigi mʋ asɛ mʋ, ɩ gyɛ ba maa kɔɔlɛ Yesu Krisito gyii. Nɩɩ ɔkʋmaa nɩmʋ lɛɛ man kwɩɩ.

Nɩɩ Ɩbwaarɛ lɛɛ Yesu Krisito yɛ o be wu lɩɩ asa alibi sʋ. Mʋ nkalan kɩkyɛɛgɛ wʋrɩgɛ sʋ mʋ, asa mʋ nɩɩ bee biti ba kɔɔlɛ mʋ gyii mʋ, kɛ ba maa Ɩbwaarɛ nsana ɩ lɔŋɔ. Nɩɩ kʋsʋ bɩɩtɛ mʋ nɩɩ Ɩbwaarɛ ii biti ɔ bɩɩtɛ anɛ mʋ, Yesu yɩlɛ anɛ ayaa tɔ kɔɔlɛ ɩmʋ. Ɔ waa ɩnɩmʋ nɩn kɛ ɔ lɛɛ mʋ kesintin kaapʋ. Lɩɩ fɛɛ bamʋ nɩɩ ba waa alibi dɩdaa mʋ, ɔ man bɩɩtɛ bamʋ asʋ Ɔ nyɛ kenyiita gyoo ba fʋʋ Yesu Krisito kelewu mʋ nɩɩ o wu sa alibi mʋ. Ɔ bɩla lɛɛ kaapʋ fɛɛ mʋ awaasa ɩ dɛ ɔkpa, nɩɩ ɛɛ yɛgɛ nɩɩ asa mʋ nɩɩ ba kɔɔlɛ Yesu gyii mʋ bamʋ ɩkpa i kyiigi mʋ asɛ.

Lɩɩ fɛɛ ɔkʋ mɛɛ taalɛ buu nbara mʋ lʋwɛ, kɛ Ɩbwaarɛ o wu fɛɛ mʋ awaasa ɩ bʋrɔn mʋ, Ɩbwaarɛ asɛ. Nbara mʋ ɩ dɛ sa nɩn kɛ a wu anɛ alibi.

Fɛɛ kanan mʋ nɩɩ Asɩnkyan yɩlasa mʋ ɩ tɔwɛ katɩn kʋ yɛ, “Ɔkʋ man bʋ tɔ nɩɩ mʋ ɩkpa i kyiigi, halɩɩ ɔkʋlʋn gbaa. Ɔkʋ man bʋ tɔ nɩɩ ee nu Ɩbwaarɛ asɩn kasɛ, nɩɩ ɔkʋ man bʋ tɔ ɔ naa ee biti Ɩbwaarɛ. Nɩɩ ɔkʋmaa nɩmʋ kpeli mu ansi lɩɩ Ɩbwaarɛ sʋ, nɩɩ bamʋ kpini ba man sʋ kyaarɛ, nɩɩ ɔkʋ man bʋ tɔ nɩɩ ɛɛ waa kɩdanbɩrasa halɩɩ ɔkʋlʋn gbaa.

Kʋtɔ mʋ nɩɩ an nu kasɛ ɩ gyɛ yɛ nyɩmɩsa kɩkɔɔlɛ Yesu Krisito gyii sʋ nɩɩ Ɩbwaarɛ i wu fɛɛ mʋ ɩkpa i kyiigi mʋ asɛ, amaa man gyɛ nbara mʋ kibuu sʋ.

Ayee! Ɩ mɛɛ ba kanɩn. Amaa nɩɩ nyɩmɩsa kʋmaa gyɛ antɩŋɛsa wuya mʋ, Ɩbwaarɛ bɩrɛ san ɔ gyɛ mʋ kesintin wuya, fɛɛ kanan mʋ nɩɩ ba kyʋrɔɔ waa Asɩnkyan yɩlasa mʋ tɔ yɛ, “Ɩ dagaa fɛɛ fʋ Ɩbwaarɛ asɩn tɔwɛsa ɩ maa lɛɛ fu kesintin kaapʋ, nɩɩ ba kan pwɩɩ fʋ mʋ kɛ fu gyii asʋ.”