Popular Bible Verses from Amǝ Roma 12

Share

Wu kǝa kpata ɓealǝu andǝ kuncau mala mǝnia yì ɓanza ka ɗang. Wu ɗeki Ɓakuli ɓǝ̀ nggaɗi wun nǝ tsǝk ɗenyicau ma'wun ɓǝ̀ duk bǝshe. Anggo sǝ wu nǝ̀ gandǝ surǝ nê mala Ɓakuli, mǝnana mǝɓoarne na, andǝ mǝnana nǝ̀ duk gir-á abani, sǝ nda pepè ka.

Ace mani ka, wun amǝ'eambǝam, ǝn nggǝ ɓuakia rǝ wun, nǝ ɓwamuru mala Ɓakuli, wu pa rǝwun aban Ɓakuli, kǝla aɓoro mǝyilǝmui, mǝnana wu nǝ̀ duk amale, sǝ nǝ̀ pwasǝbumi ka. Mǝnia ka nda peri ma'wun mǝɓafoe abani.

Wu dum nǝ banɓoarnado aɓa tsǝkɓalǝu ma'wun; wu dum nǝ munyi aɓa tanni; wu do aɓa pak hiwi ko ya pwari.

Wu kǝa eari ɓealɓikea ɓǝ̀ li murǝm amur wun ɗang, wu li murǝm amur ɓealɓikea nǝ pemǝɓoarne.

Wu earce rǝarǝ wun nǝ earceban mǝ'mǝsǝcau nì. Ɓǝ̀ ban ɓoara wun arǝ pe rǝarǝ wun gulo.

Earcearǝu ka, ɓǝà pè nǝ mǝsǝcau. Wu ginǝki ɓealɓikea, sǝ wu bwal gir mǝnana mǝɓoarne na ka kàngkàng.

Ɓǝ̀ nǝ̀ gandǝ pa ka, wu dukdo aɓa dorǝpwala wunǝ aɓwana kat.

Wun amǝ'eambǝam mǝnana ǝn earkiyicea ka, wu kǝa pak mǝɓane a kun mǝɓane mǝnana à pakka wun ngga ɗang. Wu nyinggi Ɓakuli mbwe tangnakusǝu aɓa ɓashi male. Acemǝnana Mǝtalabangŋo bangŋa aɓa Malǝmce ama, “Mbweban a kuni ka mem na, mǝ nǝ mbwe.”

Ce wu duk amǝnkundǝr, amǝ'ɗwanyi rǝɓǝla arǝ turo ɗang, wu duk amǝ bumpina aɓa pakki Mǝtalabangŋo turo nǝ ɓabum wun kat.

Nǝ ɓwamuru mǝnana à pam ngga, ǝn nggǝ zǝmbǝi koyan ata wun ngga, ɓǝ̀ kǝa twal ɓamuri kǝrkǝr ɓǝ̀ kuti bancame male ɗang. Ɓǝ̀ ɗenyicau mala koya ɓwa ka, ɓǝ̀ karǝ arǝ paɓamuru male mǝnana Ɓakuli pe wi ka.

Ce wu nyesǝi kǝ ɓwa ɓealɓikea ace ɓealɓikea ɗang. Wu pak gir mǝnana nǝ̀ lǝmndǝì aɓwana kat pemǝɓoarne ma'wun ngga.

Wu do aɓa dotarǝu mala amǝ'eamrǝarǝu; wu kǝa twal ɓamur wun ɗang; wu dum nǝ earce kpapi ɓamuru wunǝ aɓwana mǝnana acili aɓwana twali à pà kun ɓe kǝgir raka. Wu kǝa twali kǝla wu kuti aɓwana nǝ sǝlǝe ɗang.

A kun mani, kǝla mana Malǝmce na ka, “Ɓǝ̀ ɓio mǝbura na aɓa nzala ka, pe wi girlina; ɓǝ̀ mǝsamur wali ka, pe wi mur ɓǝ̀ nu. Aɓa pě anggo ka, a nǝ rambǝi wi nkalang bǝsa mǝ earke amuri.”

Wu tsǝki aɓwana mǝnana à kǝ pa wun tanni ka bu; wu tsǝkia wia bu, ce wu suia ɗang. Wu pak banɓoarnado wunǝ aɓwana mǝnana à kǝ pak banɓoarnado ka; wu ɓua wunǝ aɓwana mǝnana à kǝ ɓua ka.

Wu kǝ gau gir ma'wun ace bwalia aɓwana mala Ɓakuli mǝnana à nda aɓa tǝle ka; wu kànì ak abǝri.

Kǝla mǝnana nggunrǝu ka abare na pas, sǝ koya bare ka turo male na ɗàng ngga, anggo, aɓa Kǝrǝsti ka, sǝm mǝnana sǝm nda pas ka, sǝm dumǝna nggūrǝu mwashat, sǝ sǝm nda ace rǝarǝ sǝm.