Popular Bible Verses from Abanya Roma 6

Share

Kusangwa obũhĩngĩ bwʼerikola ebibi ni luholo, nĩkwa olũsũnzo olũkalũa uku Nyamuhanga ni ngebe yʼerikota busana nʼerimatikana na Kristo Yesu, Omukama wetu.

Kusangwa ebibi sibikibawite ko hamũlĩ, kusangwa Simuli oko Migambo nĩkwa oko lukogo lwa Nyamuhanga.

Neryo omo lũbatĩso lwetu twabiritabwa haguma na Kristo omo luholo luwe, neryo ngoko Kristo alũbũkĩbawa oko baholĩ omo lukengerwa lwa Tata, litya netu itwatoka erirendera omo mibere yʼengebe nyihyanyihya.

Kandi simuhe ebĩtsũko byʼemibiri yenyũ busana nʼebibi, erikola ebitatunganene; nĩkwa muyihe uku Nyamuhanga ngʼabandu ababĩrĩlũbũka oko baholĩ, kandi muhe ebĩtsũko byenyũ uku Nyamuhanga, bikole ebitunganene.

kusangwa tũnasĩ ngoko mundu wetu wa kera abiribambwa oko musalaba haguma na Kristo, neryo amalengekanĩa wʼebibi atoke erĩherĩbwa, situbye kandi abakobe bʼebibi.

Nenyũ nibya muyiganze ngʼabaholĩ oko bibi, nĩkwa ngʼabaliho uku Nyamuhanga busana nʼerimatikana na Kristo Yesu.

Tũbũge tũtĩkĩ kwehĩ? Tukwamirire ebibi, olukogo lwa Nyamuhanga ilwatoka erikanyirira kwehĩ? Iyihi nʼahake. Ĩtwe twamahola oko bibi, twanganatoka eriswabya omo bibi kwehĩ?

Sĩmwasĩ ngoko mugulu mukayiha oko mundu erĩmowa ngʼomukobe, kwenene muli bakobe bʼoyo mũkowa, amabya wʼebibi, akaleta oluholo, amabya wʼerĩowa, akabayira mo batunganene.

Nĩkwa wasĩngya uku Nyamuhanga, kusangwa nomo mwanabya bakobe bʼebibi erĩmbere, lino mũkowa nʼomutima gosĩ erĩkangĩrĩrya lyʼekwenene eryo mwahabawa. Kandi momwaboholwa oko bibi, nʼeribya bakobe bʼeritunganene.