Popular Bible Verses from Erĩbĩsũlĩrwa 14

Share

Neryo monowa omulenge akalũa elubula ati, Usake uti, Erĩtsũka lino, obutseme buli nʼabaholĩre, abakahola omo mũbĩrĩ wʼOmukama! Omũlĩmũ ati, Ega, basyahumula oko mĩbĩrĩ yabo, kandi emiganzo yʼemĩbĩrĩ yabo ikagenda haguma nabo.

Hano ho hali erĩyĩyĩnĩa lyʼabandu ba Nyamuhanga, abakategaya ebihano bya Nyamuhanga, kandi siberegula busana na Yesu.

Neryo mwabũga nʼomulenge munene ati, Mubahe Nyamuhanga, kandi mumupipe! Kusangwa endambĩ yʼeritswera liwe yamahĩka. Kandi mũramaye Nyamuhanga oyo wahangika olubula, nʼekihugo, nʼengetsi nʼesĩsoko syʼamagetsi!

Neryo omũlaĩka wʼakasatu mwakwama abandi bamalaĩka babiri, mwabũga nʼomulenge munene ati, Omundu amaramya enyama eyo nʼesanamu eyo, nʼerĩhĩrwa kʼolusako oko mbũmo yiwe, kutse oko byala biwe, asyapũlya oko bĩnyũ bya Nyamuhanga, ebĩnyũ byʼerihitana liwe ebyo abĩrĩũta butsira erĩhĩrwa kwʼamagetsi omo lũtehĩ lwʼobukali buwe! Kandi asyagalĩbwa omo muliro nʼomo kirimi embere wʼabamalaĩka babũyĩrĩre, nʼembere wʼEkyana kyʼEmbũlĩ. Nʼomũkĩ wʼomuliro owakagalayabo akahetuka kera na kera. Kandi abakaramaya enyama eyo nʼesanamu yayo, nʼomundu oyũkahĩrawa kwʼolusako lwʼerĩna lyayo, sibeluhuka omo musibo kutse omo kiro.

Kandi monalangira, neryo talebaya, Ekyana kyʼEmbũlĩ kyabya kyimene oko kitwa kyʼeSĩonĩ, kandi haguma naye habya bandu elfu erĩgana nʼamakũmĩ ani nʼĩnĩ (144,000), abawite erĩna lyʼEkyana kyʼEmbũlĩ, nʼerĩna lya Tata wuwe, awasakĩre oko mbũmo syabo.

Kandi monalangira ogundi mũlaĩka akaguluka endata omo kyanya, iniawite Engulu Yowene yʼerikota erĩkangĩrĩryayo oko bandu abĩkere omo kihugo, oko buli kĩtũnga kyʼabandu, nʼobuli kihanda, nʼobuli mũbũge, nʼoko bandu.

Neryo omũlaĩka wʼakabiri mwakwama omũlaĩka wʼerĩmbere ati, Abiriwa! Babelĩ munene abiriwa! Mwaha abandu bosĩ ebĩnyũ biwe erĩpũlĩsyabyo omo ngumbu yʼerĩsĩngĩra liwe.