Popular Bible Verses from Abanya Efeso 4

Share

Mwanzane, mubye nʼemitima eyihehere, mubuyirane, ngoko Nyamuhanga abiribabuyira busana na Kristo.

Mũyĩkehaye, mubye nʼomutima molo, muyibombeke. Muganyirane omo lwanzo.

Sĩmũbũge ebĩnywa ebĩtĩsĩrĩre, nĩkwa mũbũge ebĩnywa bibuya ebĩkawatĩkaya nʼerĩhĩmba bandu, ebikaha olukogo oko bandu abakowa.

Muguse hali erikaliha lyosĩ, nʼeryagalirwa lyosĩ, muleke olukanda, nʼebĩtsũmĩ byosĩ, haguma nʼerĩkĩsya lyosĩ.

Mwamahitana isimwakola ebibi, simuleke eryuba likalenga imunahitene. Simuhe Satanĩ yʼomwanya.

Neryo muleke emibere ya kera eyabya ĩkabatsandya omo syongumbu esikabateba. Mubye bahya-bahya omo mitima yenyũ nʼomo malengekanĩa wenyũ. Mubye bandu bahya-bahya abahangikawa omo kĩsosekanĩo kya Nyamuhanga, omo bitunganene nʼomo bĩbũyĩrĩre byʼekwenene.

Mulenge eribya nʼobuguma obũkalũa oko Mũlĩmũ Abũyĩrĩre, kandi mubye nʼobuholo obũkabamatanaya haguma.

Neryo mwaha abandu bʼolũsũnzo mũsĩndo-mũsĩndo. Mwaha abandi eribya bakwenda, mwaha abandi eribya bamĩnyererĩ, mwaha abandi eribya batũlĩ bʼEngulu Yowene, abandi mwahabo eribya bateya bʼekanĩsa nʼabakangĩrĩrya. Neryo mwakola atya erĩtegekanĩa abandu ba Nyamuhanga busana nʼomũbĩrĩ wuwe, nʼerĩhĩkanĩa omubiri wa Kristo. Litya twasyahĩka oko buguma bwʼerĩkĩrĩrya nʼobwʼeriminya Omugala wa Nyamuhanga, itwatoka erĩhĩkana omo lulengo lwʼerĩhĩkana lya Kristo.

Itutaswabya bana, abakagusawa eyĩ nʼeyĩ omo bisunda byʼengetsi, kutse erihekwa ehandi nʼehandi nʼamahunga gosĩ wʼerĩkangĩrĩrya lyʼabandu abakateba, kandi abakatalaya abandu omo bũgobya bwabo. Nĩkwa tũbũge ekwenene omo mutima wʼolwanzo, kandi tukule busana na Kristo omo myatsi yosĩ, kusangwa iye ni mutwe netu tuli mubiri wuwe.