Popular Bible Verses from 2 Abanya Tesalonĩka 2

Share

Simuleke mundu akabatebya omo mwatsi nʼomuguma. Kusangwa Ekiro ekyo sikyendisyasa eripona nʼerisuba enyũma bite byahĩka, nʼomubi Oyo ate abutuka, oyo wasyaherĩbwa.

Nĩkwa litutolere eriha Nyamuhanga yʼewasĩngya emigulu yosĩ, busana nʼĩnywe balĩkyetu, ĩnywe banze bʼOmukama. Kusangwa Nyamuhanga ayisoga nywe erĩmbere eribana erilama busana nʼOmũlĩmũ oyukabahigula, kandi kusangwa mwabĩrĩkĩrĩrya omwatsi wʼekwenene.

Iye akalwa nʼesyosĩ esyo abandu bakahula mo nyamuhanga, nʼebyosĩ abandu bakaramaya. Asyayĩhamya endata oko syosĩ, nʼeriya omo Hekalũ ya Nyamuhanga, nʼerĩĩkala oko kĩtũmbĩ omo Hekalũ, nʼeriyahula mo Nyamuhanga.

Neryo Omukama wetu ye Yesu Kristo, na Nyamuhanga Tata wetu, oyo watwanza, nʼerituha busana nʼolukogo luwe erĩsĩbĩkya lyʼerikota nʼamaha mabuya, asĩbĩkaye emitima yenyũ, nʼerĩbasĩkya omo buli mwatsi mubuya mukakola kutse mũkabũga.

Busana nʼomwatsi oyũ, Nyamuhanga akatumirabo eriteba erĩkalĩre, erikaleka ĩbĩkĩrĩrya ebyʼamabehĩ.

Neryo Omundu Mubi oyo asyasa omo bũtokĩ bwʼeSatanĩ nʼerikola ebitiko-tiko byʼemĩsĩndo yosĩ nʼebĩmĩnyĩsyo byʼamabehĩ, nʼebyʼeriswekera. Kandi asyakola omo mĩsĩndo yosĩ yʼeriteba nabi busana nʼabakandisyahera. Nabo basyahera kusangwa mobatangirira kutse erianza ekwenene, eyangaleka ĩbalamĩbwa.

Nĩkwa Obubi obũbĩsĩre bukakola na lino, nĩkwa oyũkakakĩrĩrayabo asyakakĩrya erĩhĩka oko mugulu asyalũsĩbwaho.