Popular Bible Verses from 1 Petero 4

Share

Kwilaba emyatsi yosĩ, mũkwe omũhwa wʼerianzana kutsibu, kusangwa olwanzo lũkakũnĩngĩra ebibi bingi.

Obuli mundu abirihabwa olũsũnzo lwʼomũsĩndo olũkalũa uku Nyamuhanga. Mukolerane omo lũsũnzo olo, ngʼabateya bʼolũsũnzo mĩsĩndomĩsĩndo Nyamuhanga akatuha.

Oyũkatũlago, atũle ebĩnywa bya Nyamuhanga. Oyukakola omũbĩrĩ, akolego omo maka ago Nyamuhanga akamuha. Neryo omo myatsi yosĩ Nyamuhanga apipawe busana na Yesu Kristo. Olukengerwa nʼobũtokĩ ni biwe kera na kera. Amina.

Nĩkwa omundu amagalwa kusangwa ni Mukristo, sĩakwe esĩsonĩ, nĩkwa apipe Nyamuhanga busana nʼeribya Mukristo.

Endũlĩ yʼemyatsi yosĩ iri hakũhĩ. Neryo mubye nʼobũlengekanĩa bwʼamenge, nʼobwʼerĩyĩteya, imwatoka erisaba.

Abanze, simusweke busana nʼerirengwako erĩkalĩre erĩkabahĩkako nga ni kindu kyʼehandi busana nenyũ. Nĩkwa mutseme kusangwa mukasangira amalĩge wa Kristo. Neryo omugulu olukengerwa luwe lwasyabĩsũlwa, imwatoka eritsema nʼeritsanga.

Mũkokanaye omo manyũmba wenyũ butsira eriyitonga-tonga.

Neryo abakagalawa busana nʼerisonda lya Nyamuhanga, bahĩre emitima yabo omo byala byʼOmũhangĩkĩ oyuteregula, babye bakakola ekitunganene.

Neryo kusangwa Kristo abiriagalwa omo mubiri, nenyũ nibya mũyĩsũnze obũlengekanĩa obo, kusangwa oyukagalawa omo mubiri abĩrĩũmbya oko bibi. Nĩkwa lino omugulu mukineho omo mubiri, mukwame erisonda lya Nyamuhanga butsira esyongumbu syʼabandu.

Mwamatsumwa kusangwa mukakwama Kristo, muli nʼomũyĩsa, kusangwa Omũlĩmũ wʼolukengerwa, wʼOmũlĩmũ wa Nyamuhanga ĩkere nenyũ.