Popular Bible Verses from Makko 4

Share

N'azuukuka, n'aboggolera omuyaga, n'agamba ennyanja nti sirika, teeka. Omuyaga ne gukkakkana, n'eba nteefu nnyo. N'abagamba nti Kiki ekibatiisa? Temunnaba kuba na kukkiriza?

Ne batya entiisa ennene, ne bagambagana nti Kale ono ye ani, kubanga omuyaga n'ennyanja bimuwulira?

Ye yennyini yali yeebase mu kiwenda ku kigugu, ne bamuzuukusa, ne bamugamba nti Omuyigiriza, tofaayo nga tufa?

N'abagamba nti Mwekuume kye muwulira: mu kigera mwe mugera nammwe mwe muligererwa: era mulyongerwako.

N'agamba nti Obwakabaka bwa Katonda bwe buti, ng'omuntu bw'amansa ensigo ku ttaka; ne yeebaka n'agolokoka ekiro n'emisana, n'ensigo n'emeruka n'ekula, ye nga tamanyi bw'emeruse.

Buli alina amatu ag'okuwulira, awulire.