Popular Bible Verses from 1 Abakkolinso 12

Share

Naye buli muntu aweebwa okulagibwa kw'Omwoyo olw'okugasa.

Naye mmwe muli mubiri gwa Kristo, n'ebitundu byagwo, buli muntu.

Era ekitundu ekimu bwe kibonaabona, ebitundu byonna bibonerabonera wamu nakyo; oba ekitundu ekimu bwe kigulumizibwa, ebitundu byonna bisanyukira wamu nakyo.

Kubanga omulala Omwoyo amuweesa ekigambo eky'amagezi; n'omulala aweebwa ekigambo eky'okutegeera, ku bw'Omwoyo oyo: omulala okukkiriza, ku bw'Omwoyo oyo; n'omulala ebirabo eby'okuwonyanga, ku bw'Omwoyo omu; n'omulala okukolanga eby'amagero; n'omulala okubuuliranga; n'omulala okwawulanga emyoyo: omulala engeri z'ennimi; n'omulala okuvvuunuzanga ennimi

naye ebyo byonna Omwoyo oyo omu ye abikola, ng'agabira buli muntu kinnoomu nga ye bw'ayagala.

walemenga okubeera okwawula mu mubiri; naye ebitundu biyambaganenga bumu byokka na byokka.

Naye waliwo enjawulo z'ebirabo, naye Omwoyo ali omu. Era waliwo enjawulo z'okuweereza, era Mukama waffe ali omu. Era waliwo enjawulo z'okukola, naye Katonda ali omu, akola byonna mu bona.

Era Katonda yassaawo mu kkanisa abalala, okusooka batume, ab'okubiri bannabbi, ab'okusatu bayigiriza, nate eby'amagero, nate ebirabo eby'okuwonyanga, abayambi, abafuga, aboogezi b'ennimi.

Kubanga n'omubiri si kitundu kimu, naye bingi.

Naye, ekisinga ennyo, ebitundu bino eby'omubiri ebirowoozebwa okubeera ebinafu byetaagibwa

Omubiri gwonna singa liiso, okuwulira kwandibadde wa? Gwonna singa kuwulira, okuwunyiriza kwandibadde wa? Naye kaakano Katonda yassaawo ebitundu buli kinnakimu mu mubiri, nga bwe yayagala. Era byonna singa kyali kitundu kimu, omubiri gwandibadde wa?