Popular Bible Verses from Enkikena 14

Share

Emigolong'aki ake duoo intae Olaitoriani; nimiureyuyu lelo tung'ana le ina kop, amu emukate ninche te iyiook; eiwuang'ie olchurie lenye aaitung'uaa ninche netii Olaitoriani te nebo iyiook; emiureyu ninche.”

‘Mesioki Olaitoriani agoro, neton ninye te nyorrata nauno, nepalaki iltung'ana te ntorroni o te ngolon e nkong'u, kake meeta ninye nchere pee eiwuang'ie eng'oki eitu eitabaiki entorroni oo loo menye shumata nkera enye, shumata e ishoi e uni o shumata eishoi e ong'uan.’

Tenaa keshipakino iyiook Olaitoriani, naa keyau iyiook atua ena kop neisho iyiook, ena kop naruko kule o naishi.

Kake ore osinka lai Kalebu, enkaraki naata ninye oltau opaashaa naatusuja ninye nanu tukul, kayau nanu ninye atua ina kop apa nashomo

Tiaaki ninche, ore anaa enaishu Olaitoriani ojo, ‘Ore ina nitejo intae too nkiyiaa aainei kaitaas nanu intae.

Nejoki Olaitoriani Musa, “Kaamenu akenya kulo tung'ana o anu? Ketoni ninche eitu aairuk nanu o anu, aasita kuna kitoduaat pooki nataasa nanu ti atua ninche?

Ore iltung'ana pooki le Israel neing'unyung'unyaki Musa o Aron; nejoki ina umata pooki ninche, “Aimeikash apa tenaa ekituata te nkop e Misiri arashu tenaa eikituata tena ong'ata!

Ore Yoshua olayioni le Nuni o Kalebu olayioni le Yefune apa ootii te nebo lelo ooshomo aaikitalan enkop, nepolos ilkilani lenye, nejoki ina umata pooki oo ltung'ana le Israel, “Ore ina kop nikishomo iyiook aaikitalan naa enkop sidai oleng.

kake esipa ore anaa enaishu nanu, o anaa sii enabore enkop pooki enkitoo enkisisa o Laitoriani, meetae obo le kulo tung'ana ootoduaa enkitoo enkisisa ai o nkitoduaat aainei nataasa te Misiri o tiongota ore ake sii atetema kuna katitin tomon, neitu ening oltoilo lai olo adol ina kop apa nainosie nanu olmumai pee aisho loo menye; nemeetae obo le lelo laatemenaitie nanu olo adol ina kop.