Popular Bible Verses from Enkikena 13

Share

Kake eitigira apa Kalebu olorere te dukuya Musa, nejo ninye “Mailepa iyiook aapuo nabo kata, pee kipuo aamany, amu eikindim iyiook aaibung'a ina kop.”

Ore teine nikitoduaa ile Nefilim, (lelo ayiok le Anak apa ooing'uaa Nefilim,) nikitiu iyiook anaa ntargeet, neijia iyiook kitotiutuo te ninche.”

Ore apa lelo tung'ana ooshomo te nebo ninye nejo, “Mikindim iyiook aashom aairisha ilo orere; amu kegol ninche aalang iyiook.”

Neaku eyakitia apa ninche iltung'ana le Israel olomoni torrono le ina kop nashomo aaikitalan, ejo, “Ore ina kop nikishomo iyiook aaikitalan naa enkop nainos lelo oomanya, ore lelo tung'ana pooki likitoduaa te ina kop naa adoru naa iltung'ana sapuki oleng.

Nejoki ninche ninye, “Kitabaitie iyiook ina kop apa nirriwayie iyiook; keruko kule o naishi, naa kulo ilng'anayio lenyena.

Kake ore eyia kegol iltung'ana oomanya ina kop, naa kesheta nkanas enye nelala oleng; ore te nebo ina kitoduaa eishoi e Anak te ine.

Ore Ilmaleki nemanya enkop e Negeb, ore ile Hiti o Iyebusi o le Amori nemanya ina kop oo ndoinyo, netii ile Kanaan embata e naiposha, olkeju le Yordan.”

Nepuonu ninche enetii Musa o Aron o ina umata pooki oo ltung'ana le Israel ti ong'ata e Paran, te Kadesh; neyaki ninche olomoni o ina umata pooki, neitodol ninche ilng'anayio le ina kop.