Popular Bible Verses from Ukũnukulua 12

Share

Ndĩo naamudula kumugali wa kĩMuana-nkolo, nukulukaani lwa ukuĩli wao; sunga sika naaulogua uuumĩ waao sunga kunkia.

Naniigia luli lukulu mwugyulu nalwiũga, “Ĩpaino waaza ugũnua ningũlũ nuutemi wa kĩNzua wĩĩtu, nuusũũmi wa kĩKilisito waakue, kunsooko wataagaguaa pansĩ umusokia wa anũna ĩĩtu, nukuasokagiaa ntongela ya kĩNzua wĩĩtu munsĩ nuutiku.

iJoka nikyulu nalĩtaagua, ĩnzoka ya kalĩ nukuĩtaguaa, Mupembeelia kangĩ Shetani, nukulimĩĩlagiaa uunkũmbigyulu tũlũ; nutaagua sunga munsĩĩ, nĩamalaĩka aakue naataagua palumuĩ nduyo.

Luulo gua, ĩlumbĩkiĩ ee gyulu, niniiie nakuuza muĩlĩ muasio! Ĩpa ukia wa nsĩĩ nĩnanza; kunsooko ũShetani wiikile kunsiao mukola utaki wingĩ, pĩna umanile kĩna utĩĩte tyũngo kyei!”

Alĩ ukoolĩ ulugu mwigyulu; uMikaeli nĩamalaĩka aakue naĩlaasa nijoka; ijoka nayĩlaasa nĩndĩo palumuĩ nĩamalaĩka aakue

iJoka nalĩmutakĩĩla umusungu, nalĩlongola kĩkua ulugu nuwĩleli waakue naalĩ usaagile, nawityapile ĩmalagĩĩlio ma kĩNzua, nukukumukuĩla ũYesu.

Nĩkĩlĩngasĩĩlio kĩkulu nakigyelela mwigyulu, musungu mujialue ĩmpasu, numueli alĩ wĩĩlĩ nsĩlĩlĩ ya mĩgulu yaakue, numũtyũe liakue ngala ya nsonda kyumi nazibĩlĩ; nduyo alutĩĩte ndaa nwilĩla muusungu nuuwai wa kĩtũnguĩla.

nwĩtũnguĩla muana mugoosia nwijile kuzidĩĩma indugu tũlũ kunkome ya kiuma, numuanawaakue nupũlua sunga kwa kiNzua nukwityengu liakue lya kĩtemi, umusungu nutalamĩla kumbuga, paasio alutĩĩte luandĩ naalĩ luzĩpĩĩligue nuNzua koona amulĩĩsie paasio ntondo gyana lya nzogũ lĩmuĩ nĩmagana mabĩlĩ nĩmakumi mutandatu.

Nĩkĩlĩngasĩĩlio kĩĩa nakigyelela mwigyulu; laaa, joka kyulu kyasũkũ zuu, alĩ lĩtĩĩte matũe mupũngatĩ nimpembe kyumi, numumatũe maakue ngala mupũngatĩ. Numukĩla waakue naulũta ityũmpĩ lya katatulya nsonda za kwigyulu nukukuziguusia munsĩĩ. Nijoka naliĩmĩka ntongela ya musungu naalĩ wakaa kĩtũnguĩla, itĩ pĩna wĩtunguĩla, lyĩmulĩe umuana waakue

Numusungu nupeegua imbaa zibĩlĩ zandĩĩ nankulu koona wapũpũte, wende kumbuga sunga paluandĩ luakue, paasio ukulĩĩsagiguaa, kwityũngo, nukumatũngo, nukutyumpi lityũngo, kulĩ nĩnzoka niasio. ĩNzoka nĩpũnia mumulomo waakue, kunũma ya musungu, maazĩ zĩ mongo, wakenkue numongo. Ĩnsĩĩ nyĩmualĩĩlia umusuungu, ĩnsĩĩ niansamia umulomo waakue, niuumĩla umongo ijoka naalĩ lĩpũnilie mumulomo waakue.