Popular Bible Verses from Agalatia 6

Share

Kulekikatala kwitenda naiiza gua, kuitĩ pityũngo liakue kukiogola kanga kulekitia nsula.

Tũlũ gua, pĩna kutĩĩte ĩlioma, kuatendele tũlũ naiiza nangũlũ ĩaasio nakukĩnũna muusuĩĩli.

Mwĩkenkie ĩmĩligo; iio mutimĩĩlie ilyagĩĩlio lya kĩKilisito.

Muleke kĩkonga; uNzua sikukupopotaguaa, kuitĩ kiensi nukukĩpandĩla umuntu, kĩĩkio ukakukĩogola.

Kunsooko unuasio nukupandĩlaa kumuĩlĩ waakue umuene, muumo mumuĩlĩ ukiogola uuolũ; ĩpa unuasio nukupandĩlaa kwa kĩMuau, muumo mwa kĩMuau ukiogola uupanga wa kalĩ nakalĩ.

Anũna aane, muntu kanga wigyelele wagua muutimu wensi, inie namwa kĩnkolo, mumushookie kunkolo ya upolo; ĩpa ue wĩsukuke, ulekigemua nunduue gaa.

Kuitĩ wensi kanga wĩsĩĩge umuene kĩna wĩkĩntu nduyo sika kĩntu, wĩpembelĩĩlie umuene. Wensi gua nwaulaaĩkie umulĩmo waakue umuene, paapo ukitũla nĩnsooko ya kĩkũmazukia umuene udũũ, ilekitũla kumuntu muua. Kuitĩ wensi ukikenka umuligo waakue umuene.