Popular Bible Verses from Mariko 14

Share

Nowacho niya, “Baba! Wuora! In ema inyalo gik moko duto, gol kikombe mar masirani oa kuoma. To kik obed kaka an ema adwaro, to mana kaka in ema idwaro.”

Eka nowachonigi ni, “Beduru kuneno mondo ulem, kik udonj e tem. Adier chuny oyie to ringruok ema nyap.”

Awachonu adier ni kamoro amora ma nolandie Wach Maber e piny duto, to gima dhakoni osetimo bende nohul kiparego.”

Nowachonigi niya, “Chuny lit ma an-go lich, ma dwaro mana nega! Beduru ka, kurito.”

Kane gichiemo kamano, Yesu nokawo makati moguedho, eka nong’ingo mi omiyo jopuonjrene, kowacho niya, “Kawuru ma e ringra”.

Bang’e ne okawo kikombe kendo ka ne osegoyo ni Nyasaye erokamano, nomiyogi mi gimethoe giduto. Eka nowachonigi ni, “Ma e remba mochwer ni ji mang’eny kitimonigigo Winjruok gi Nyasaye.

Yesu nowachonigi ni, “Uduto unuring uweya, nimar ondiki e Muma ni Nyasaye wacho niya, ‘Ananeg jakwath, mi rombe noke!’

Chunguru, wadhiuru. Ero, jandhokna osekayo machiegni.”

Yesu nodwoke ni, “Adier awachoni ni otieno ma kawuononi, ka pok thwon gweno okok diriyo, to ibiro kweda didek.”