Popular Bible Verses from Mariko 13

Share

Ji duto nobed mamon kodu nikech an, to ng’ama otimo kinda nyaka giko ema nokwo.

Beduru motang’, ma ok unindi, nikech ok ung’eyo chieng’ ma gigo notimree.

Ka gimakou mi giterou e bura, to kik uparru ni gima duwachi, to wachuru awacha gima omiu e sanogono, nikech weche ma ubiro wacho ok mau, to gin mag Roho Maler.

Polo gi piny norum. Wechena to ok norum ngang’!

“To onge ng’ama ong’eyo chieng’ ma gigo notimre, kata sa ma ginitimree. Kata malaika mae polo, kata mana Wuowi ok ong’eyo, to Wuoro kende ema ong’eyo.

Bende kik chunyu parre ka uwinjo mahu mag lwenje man kuonde machiegni, kata wach lwenje man kuonde maboyo. Gik ma kamago nyaka timre, to mano ok onyiso ni giko mar piny osechopo.

Kamano, un bende nenuru, nikech ok ung’eyo sa ma wuon ot biroe. Onyalo biro godhiambo, kata dier otieno, kata kogwen, kata gokinyi. To sa asaya ma obiroe to kik oyudu ka unindo. To gima awachonu ema awacho ni ji duto bende ni ‘Nenuru!’ ”

Ogendini noked gi ogendini wetegi, kendo ruodhi nomonj ruodhi wetegi. Piny noyiengni kuonde mopogore opogore, kendo kech bende nobedie. To masichego gin mana chakruok mar ndalo manyien.

To Injili nyaka landi ni ogendini duto kapok gigo duto otimore.

Ji mang’eny nobi gi nyinga, ka wacho ni, ‘An e en’ mi ginimi ji mathoth lal.

“Un uwegi nyaka ubed motang’, nimar enomaku mi yalu e bura. Bende nochwadu e ut lemo, kendo unuchung’ e nyim jotelo gi ruodhi nikech an, mondo ulandnigi Injili.

nikech Mesia mag miriambo kod jonabi ma ok madier notuchi. Ginitim ranyisi kod honni, mondo kanyalore to giwuondgo kata mana joma Nyasaye oyiero.

“To e ndalo moko bang’ masirano, ‘Wang’chieng’ noimre, kendo due ok norieny. Sulue bende nopudhre, mi lwar kaa e polo, nikech teko momakogi noyiengni.’